Närke, en Esperanto Neriko, estas historia provinco (svedelandskap) de Svedio. Ĝi troviĝas en la landoparto (svedelandsdel) aŭ ĉefregiono Svealand. La provinco havas 188 000 loĝantojn kaj areon de 4 126 km².
Al Närke norde limas Västmanland, oriente la provinco Södermanland kaj la lago Hjälmaren. Sude Närke limiĝas per Östergötland kaj la lago Vättern, okcidente per Västergötland kaj Värmland. Al la teritorio de Närke apartenas la okcidenta duono de la lago Hjälmaren kaj la plej norda parto de Vättern.
La larĝaj montaj dorsoj Kilsbergen, Tiveden kaj Käglan en la nordo de la provinco kadrigas vastan agrikulture uzitan ebenaĵon en la centro kaj sudo.
Vikimedia Komunejo: Närke [+]
