OSS 117: Alerte rouge en Afrique noire

OSS 117: Alerte rouge en Afrique noire
filmo
Originala titolo	OSS 117 : Alerte rouge en Afrique noire
Originala lingvo	franca lingvo
Kina aperdato	4 aŭg. 2021
Ĝenro	spionada filmo, komedia filmo
Kameraado	Laurent Tangy
Reĝisoro(j)	Nicolas Bedos
Produktisto(j)	Éric Altmayer • Nicolas Altmayer • Geneviève Lemal
Scenaro	Jean-François Halin
Loko de rakonto	Afriko
Muziko de	Anne-Sophie Versnaeyen
Rolantoj	Jean Dujardin • Pierre Niney • Fatou N'Diaye • Natacha Lindinger • Gilles Cohen • Wladimir Yordanoff
IMDb
	v • d • r

OSS 117: Alerte rouge en Afrique noire ("Ruĝa alarmo en nigra Afriko") aŭ OSS 117: Bons Baisers d'Afrique en Kebekio^[1] estas franca spionada filmo reĝisorita de Nicolas Bedos aperinta en 2021.

Temas pri la dekunua filmo ensceniganta la ĉefrolulon Hubert Bonisseur de la Bath, alidire OSS 117 kaj la tria parto de la parodia sagao ludata de aktoro Jean Dujardin, inkluzive de la du unuaj filmoj, OSS 117: Le Caire, nid d'espions (2006) kaj OSS 117: Rio ne répond plus (2009), reĝisoritaj de Michel Hazanavicius.

Temo[redakti | redakti fonton]

En januaro 1981, Hubert Bonisseur de La Bath estas enkarcerigita en Afganio, en milito kun Sovetunio. Li sukcesas eskapi. Reen en Parizo, meze de la prezidenta kampanjo kaj malkaŝe subtenante kandidaton Valéry Giscard d’Estaing, agento OSS 117 estas translokigita al la IT-sekcio de la Ekstera Dokumentado kaj Kontraŭ-Spionado (SDECE). Li ricevas kiel mision savi Serge, alidire OSS 1001, agenton senditan en misio al Okcidenta Afriko por helpi al gvidanto Koudjo Sangawe Bamba subpremi ribelojn, el kiuj kelkaj estas komunismaj. Sub la kaŝnomo Émile Cousin, lia celo estas savi sian kolegon kaj malhelpi puĉon por konservi politikan reĝimon lojalan al Francio.