Oscar Niemeyer Internacia Kultura Centro

Oscar Niemeyer Internacia Kultura Centro
arta muzeo ; kultura centro
Bazaj datoj
Arkitekto	Oscar Niemeyer vd
Estiĝo	2011
Malfermo	26-a de marto 2011
Lando	Hispanio vd
Situo	Avilés
Adreso	Avda. del Zinc
Poŝtkodo	33490
Situo
Geografia situo	43° 33′ 27″ N, 5° 55′ 4″ U (mapo)43.557443-5.91771Koordinatoj: 43° 33′ 27″ N, 5° 55′ 4″ U (mapo)
Oscar Niemeyer Internacia Kultura Centro (Asturio)
	Situo de Oscar Niemeyer Internacia Kultura Centro
	Oscar Niemeyer Internacia Kultura Centro
Retejo	https://www.centroniemeyer.es/
	v • d • r

La Internacia Kultura Centro Oscar Niemeyer (hispane Centro Cultural Internacional Oscar Niemeyer) estas kultura komplekso, kiu kunigas diversajn artajn kaj kulturajn eventojn: ekspozicioj, muziko, teatro kaj danco, kinejo, kaj ankaŭ kafejoj, edukaj institucioj, ktp ^[1]. Ĝi situas en Avileso, Asturio, Hispanio.

La kultura centro estis projektita de arkitekto Oscar Niemeyer en 2006. Konstruado komenciĝis en aprilo 2008 kaj finiĝis en decembro 2010. La solena malfermo okazis la 26-an de marto 2011. La komplekso inkludas kvar konstruaĵojn kun suma areo de 40,000 m² kaj la areo inter ili. La konstruaĵoj de la Centro inkludas halon por 1000 spektantoj, 4000 m² da ekspoziciejo, observplatformo, kinejoj, salonoj por provludoj, konferencoj kaj seminarioj. La kosto de la centro estis 53 milionoj da €, kiuj estis asignitaj fare de la registaro de Asturio, urbaj aŭtoritatoj kaj privataj donacantoj.

Niemeyer mem priskribis la centron kiel: "malfermaj spacoj ĉirkaŭ la mondo, loko por edukado, kulturo kaj paco ". La Centro estas unu el la malmultaj laboraĵoj de Niemeyer en Eŭropo kaj la ununura en Hispanio ^[2].

La centro estis konstruita en la industria zono de la ĉefa industria centro de Asturio, la urbo Aviles, kiu en la lastaj jaroj trovis sin en deprimita stato pro la malkresko de la industrio. La aŭtoritatoj de Asturio decidis igi la urbon la kultura ĉefurbo de la aŭtonomio, konsentante la konstruadon de la Internacia Kultura Centro Oscar Niemeyer. La malfermo de la centro, laŭ siaj kreintoj, devus esti la impulso por la renovigo de la tuta industria zono, kiu estas desegnita de brita arkitekto Norman Foster.