Pasado de Merkuro elde Tero de la 11-a de Novembro 2019

Merkuro pasis antaŭ Suno laŭ rigardo elde Tero la 11-an de Novembro 2019. La plena pasado, ekde la unua ĝis la fina kontaktoj, daŭris 5 horojn 28 minutojn kaj 47 sekundojn.

La sekva pasado de Merkuro elde Tero okazos la 13-an de Novembro 2032.

Observado[redakti | redakti fonton]

La pasado estis videbla ĉie, kie en ties tempo estis tago. Konkrete temas pri:

en plena daŭro elde la Sudameriko, orienta parto de la Nordameriko, okcidenta parto de Afriko kaj Antarkto;
parte, dum Sunsubiro elde plejparto de Eŭropo, plejparto de Afriko kaj Mezoriento;
parte, dun Sunleviĝo elde plejparto de la Nordameriko kaj Meksiko.

Tempo de la kontaktoj dependas de loko de observanto sur Tero. Tamen, pro geometriaj kialoj, diferencoj inter unuopaj lokoj estas nur kelketaj minutoj. Proksimumaj tempoj estas:

komenco: 12:35 UTK
pinto: 15:20 UTK
fino: 18:04 UTK

Sekura observado[redakti | redakti fonton]

Rekta, neprotektita rigardado al Suno povas kaŭzi damaĝon de vidkapablo, eĉ plenan blindecon. Tial estas rekomendata uzi Sunobservajn okulvitrojn, Sunteleskopon kun bonkvalita Sun-filtrilo aŭ projekciadon al papero per teleskopo, simpla truo aŭ senluma kamero.

Sunobservaj okulvitroj
Amatora Sunteleskopo
Teleskopo kun Sun-filtrilo
Projekciado

Bildaro[redakti | redakti fonton]

Pasado de Merkuro vidita elde Villeurbanne, Francio. Merkuro estas apenaŭ videbla tre proksime al la maldekstra rando.
Rigardo de Karintio, Aŭstrio. Merkuro estas apenaŭ videbla en la dekstra flanko.
Pasado kun silueto de la Vaŝingtona Monumento en Vaŝingtono, Usono
Rigardo de Finistère, Francio
Merkuro estas apenaŭ videbla en la maldekstra flanko, meze