Pilafo
Pilafo estas orienta manĝo el rizo bolita en akvo, miksita kun ruĝa pipro kaj rostita viando kokina, porka aŭ ŝafa. Ĝi estas kutima en la tuta regiono de nordokcidenta Azio kaj de orienta Eŭropo, kaj en la multaj lingvoj de tiuj regionoj havas diversajn, similajn nomojn kun la konsonantoj p - l - f/v/ŭ: inter la variaĵoj estas pilaf (inkluzive de la hebrea formo פילאף) kaj pilav/pilaw (inkluzive de la makedona formo Пилав), plov (inkluzive de la rusa kaj ukraina formoj Плов), palov kaj palav, polo پلو , pilau, polao kaj pulao en vasta gamo da lingvoj, inter ili la turka, azeria, kazaĥa, kirgiza, marata, uzbeka turkmena, urdua, hinda, paŝtua, armena kaj ĉiuj slavaj lingvoj, plus la greka formo Πιλαφί (pilafí).
Pilafo estas ankaŭ franca manĝo el densa rizo kun viando aŭ konkaj moluskoj.