Placo Baross

El Vikipedio, la libera enciklopedio
Salti al navigilo Salti al serĉilo

La Placo Baross estas grava trafika nodo de Budapeŝto, en distrikto Józsefváros.

Placo Baross en 1900

Historio[redakti | redakti fonton]

En la 1800-aj jaroj la placo Baross ne havis nomon. En la ĉirkaŭaĵo estis vilaĝecaj domoj kun ĝardenoj, kie oni kultivis legomojn. Inter 1827-1828 tie estis finhaltejo de la unua ĉevaltira tramo de Pest (urbo). En 1868 ĉi tie ekfunkciis la dua ĉevaltira tramo (jam en kutima sistemo). Inter 1881-1884 estis konstruita la ankaŭ nun videbla Stacidomo Keleti. Tiutempe estis konstruitaj jam kvaretaĝaj domoj, eĉ granda hotelo, fervojista asekura domego. En 1898 oni inaŭguris skulptaĵon pri Gábor Baross, kiu estis la plej grava trafika ministro, en 1902 la placo jam prenis la nomon Baross. Inter 1910-1912 estis konstruita domego por poŝtejo. Ekde 1888 tute apud la stacidomo ekfunkciis interurba tramo. En 1918 ankaŭ pli nova hotelo konstruiĝis.

Bildoj pri Placo Baross
Placo Baross dum la frua socialismo
Tanko antaŭ la stacidomo dum la revolucio
Domoj de la placo post la revolucio
La subirejo en 1985, fone la stacidomo
La subirejo en 2006
Metrostacio Keleti
Komuna enirejo de ambaŭ metrooj
Hotelo laŭ la placo konstruita en 1918
Skulptaĵo de Baross

Dum la Hungara revolucio de 1956 la placo estis grava centro de la revoluciuloj. En 1968 sub la placo ekfunkciis la dua metrolinio, tial oni konstruis en mezo de la placo grandan subirejon, kiu plejparte estis malferma (subĉiela). En la sekva jaro ekfunkciis viadukto inter 2 gravaj vojoj super rando de la la placo (ducent metrojn longa). En 2006 la subirejo estis trakonstruita.

Trafikiloj[redakti | redakti fonton]

La plej grava trafikilo estas la trajno mem, la enurbaj trafikiloj estas 2 metrolinioj, tramoj, aŭtobusoj, troleoj.

Fontoj[redakti | redakti fonton]