Prepozicia vortgrupo

En gramatiko, prepozicia (vort)grupo estas vortgrupo enkondukita per prepozicio (kies ĉefelemento estas prepozicio).

Strukturo

Laŭ la tipoj de la komplemento de sia prepozicio oni distingas 4 strukturojn (la ĉefelementaj prepozicioj estas grasigitaj):

1. prepozicio + noma vortgrupo:
   • antaŭ la domo, kontraŭ niaj malamikoj, en la klara akvo
2. prepozicio + adverbo:
   • de malantaŭ, post tiam
3. prepozicio + prepozicia vortgrupo:
   • _PG{de  _PG{post tiam}}, _PG{el  _PG{inter ili}}
4. prepozicio + infinitivo:
   • por vidi, sen paroli

Valento

Ordinare la prepozicioj akceptas ekzakte unu komplementon; tamen escepte la propozicio inter povas havi unu plurnombran, aŭ plurajn komplementojn:

• inter diversaj nacioj (FE §27);
• inter martelo kaj amboso (Proverbaro).

Aldonaĵoj

Prepozician grupon povas precizigi adverbo:

• tuj _PG{post la hejto} (FE §38);
• ĵus _PG{antaŭ la pereo de Cezaro} (Hamleto).

La roloj

Prepozicia vortgrupo povas funkcii kiel senakorda epiteto:

• Universitato _PG{de Parizo} = Pariza universitato)
• studento _PG{de fizika fakultato};
• la vojo al Damasko.

Sed pli ofte ĝi rolas kiel komplemento (tian prepozician komplementon oni tradicie nomas «nerekta komplemento», kie nerekta fakte signifas pera):

• promeni, promeno _PG{en la parko}
• doni monon _PG{por la afero}
• batali _PG{kontraŭ la malamiko}.