Provinco Hormozgano
| Provinco Hormozgan
| |
|---|---|
situo de la provinco en Irano
| |
| provinco de Irano | |
| Bazaj informoj | |
| Ĉefurbo | Bandar Abas |
| Areo | 70 669 km² |
| Loĝantaro | 1 403 674 (stato de oktobro 2006) |
| Loĝdenso | 20 loĝantoj/km² |
| ISO-kodo | IR-23 |
.jpg)
La provinco Hormozgan - perse استان هرمزگان - estas unu el tridek provincoj en la nuntempa ŝtato Irano. Ĝia administra centro estas la urbo Bandar Abas. La provinco kovras areon de 70 669 kvadrataj kilometroj kaj laŭ la stato de oktobro 2006 havis 1 403 674 loĝantojn.
Geografio
Hormozgan situas en la sudo de Irano ĉe la Hormuza markolo. Ĝi estas la parto de Irano plej proksima al la Unuiĝintaj Arabaj Emiratoj.
Geografie ĝi konsistas plejparte el dezertosimilaj montoj kaj ekstreme humida kaj varmega marborda regiono. Multaj irananoj preferas la marbordon por la vintraj ferioj.
Ĉefurbo de Hormozgan estas Bandar Abas, la "Haveno de Abas". Pliaj gravaj urboj estas Bandar Lengeh, Haĝi Abad, Minab, Keŝm, Jask, Bastak, Bandar Ĥamir, Gavbandi, Roŭdan kaj Abumusa.
Administra divido
La provinco konsistas el 8 distriktoj:
| distrikto | areo en km² |
loĝantoj (1996) |
|---|---|---|
| Abu Musa | 68 | 2.500 |
| Bandar Abas | 14.086 | 379.500 |
| Bandar-e-Langeh | 15.248 | 144.500 |
| Ĝask | 9.380 | 52.000 |
| Maĝi Abad | 20.142 | 49.500 |
| Minab | 7.495 | 170.500 |
| Keŝm | 1.730 | 62.500 |
| Rudan | 3.044 | 71.500 |
Vidindaĵoj
La irana organizaĵo pri kultura heredaĵo en la provinco notas 212 lokojn de historia kaj kultura signifo. Inter alie temas pri la sekvaj lokoj:
- Emarat e Kolah Farangi, starigita dum la nederlanda okupo de la regiono
- Berkeh haje Baran, tradiciaj akvo-stokejoj
- Gele-dari, tradicia banloko
- hinduisma templo en Bandar Abas
- Latidan-ponto, starigita dum la regado de Ŝaho Abas la 1-a de Persio
- Fekri-domo
- Sadio-domo
- portugala kastelo
- insulo Keŝm
- Hara-mangrovarbaroj (biosfera protektejo de UNESKO)
- insulo Kiŝ en la Persa Golfo
- Geno, plia bio-sfera protektejo de UNESKO
- diversaj varmaj fontoj
Eksteraj ligiloj
greke oficiala retejo greke retejo de la provinca organizo pri kultura heredaĵo (perse)
Koordinatoj: 26° 58' 19" norde, 56° 11' 16" oriente
Alborzo | Ardabilo | Buŝehro | Farso | Gilano | Golestano | Hamadano | Hormozgano | Ĥomo | Ĥuzestano | Ilamo | Isfahano | Jazdo | Kazvino | Kermano | Kermanŝaho | Kohkilujeh kaj Bujer Ahmad | Kurdistano | Lorestano | Markazi | Mazandarano | Norda Ĥorasano | Okcidenta Azerbajĝano | Orienta Azerbajĝano | Razavi-Ĥorasano | Semnano | Sistano kaj Baluĉistano | Suda Ĥorasano | Teherano | Ĉahar Mahal kaj Baĥtijari | Zanĝano