Qaasuitsup

Qaasuitsup (gronlande Qaasuitsup Kommunia) estas nova municipo en Gronlando, funkcianta ekde la 1-a de januaro 2009. Ĝi konsistas el la malnovaj municipoj de la okcidento kaj nordo de Gronlando. Ĉi tiuj estas: Kangaatsiaq, Aasiaat, Qasigiannguit, Ilulissat, Qeqertarsuaq, Uummannaq, Upernavik kaj Qaanaaq. Ĝi havas 17 867 loĝantojn (2008). La administra centro troviĝas en Ilulissat. La municipo etendiĝas sur 660 000 km², t. e. la plej granda municipo de la mondo laŭ areo, pli granda ol Francio.