Renate Aichinger

El Vikipedio, la libera enciklopedio
Saltu al: navigado, serĉo

Renate AICHINGER (naskiĝinta en la 28-a de novembro 1976 en Salcburgo) estas aŭstra verkistino kaj teatra reĝisorino.

Vivo[redakti | redakti fonton]

Aichinger studis teatro-, filmo- kaj amaskomunikilosciencojn ĉe la Universitato de Vieno. Ŝia magistriĝlaboraĵo temis pri la legdramo Die Schwärmer de Robert Musil. Jam dumstudentinece ŝi laboris ĉe diversaj etaj vienaj teatrejoj. Sekvis dungiĝoj kiel dramaturgino kaj reĝisorino diversloke, i.a. ĉe "Junges Schauspielhaus" en Zuriko, "Stadttheater" en Gießen kaj "Vorarlberger Landestheater" en Bregenz. Ekde 2009 ŝi laboris ĉe "Junge Burg" (Vieno), kie ŝi ĉiun jaron po unu teatraĵon ellaboras, i.a. kun anoj de "TheaterClub Wiener Brut". Ekde la teatrosezono 2012/13 ŝi gvidas krome la sekcion "Bürgertheater" ĉe "Landestheater Niederösterreich" en St. Pölten.[1]

Aichinger verkis plurajn teatraĵojn, i.a. la komisiitan verkon Auf die Plätze, fertig, arbeitslos (2009, ARGEkultur). Du el ŝiaj teatraĵoj nomumitis por la premio "Retzhofer Dramapreis": WWW.COM (2003)[2] kiel ankaŭ Rosa Rossi sucht das Morgen (2011).[1] En 2012 aperis ŝia unua libro WELT.ALL.TAG en la eldonejo Edition Laurin.

En 2013 Aichinger ricevis stipendion por restado en la Vilao Decius (Krakovo) kaj gajnis per die la aŭstran antaŭselekton ĉe la eŭropa turniro "European Poetical Tournament". En 2014 oni aljuĝis al ŝi la subtenpremion de Rauriser Literaturpreis.[3]

Aichinger vivas kaj laboras en Vieno.

Verkoj[redakti | redakti fonton]

Eksteraj ligiloj[redakti | redakti fonton]

Subnotoj[redakti | redakti fonton]

  1. 1,0 1,1 Renate Aichinger
  2. Renate Aichinger
  3. Rauriser Literaturtage