Ruriko

Ruriko
Princo de Novgorodo
Regado	862 – 879
Sekvanto	Olego la Saĝa
Persona informo
Naskonomo	Рюрикъ, Rørik (Hrørik)
Naskiĝo	ĉirkaŭ 830
Morto	ĉirkaŭ 879 en Novgorodo la Granda (?)
Tombo	Shum-gora [#]
Religio	paganismo [#]
Familio
Dinastio	Rurikidoj
Gefratoj	Sineus • Truvor [#]
Edz(in)o	Efanda (?)
Infanoj	Igoro
Parencoj	Olego la Saĝa [#]
Profesio
Okupo	ŝtatreprezentanto [#]
Postenoj Postenoj Princo de Novgorod [#]
Princo de Novgorodo
Dum	862-879
Antaŭulo	Gostomyslo
Sekvanto	Olego la Saĝa
[#]	Fonto: Vikidatumoj

Ruriko, aŭ Rjurik (slavone: Рюрикъ; norene: Rørik aŭ Hrørik, "fama reganto"; ĉirkaŭ 830 - ĉirkaŭ 879), estis ĉefo de varengoj, kiu akiris ordonpovon de Ladoga en 862, konstruis la setlejon Holmgardo de Novgorod, kaj fondis la Rurikidan dinastion kiu regis en la postaj Kieva Regno kaj Galicio-Volinio ĝis la 14-a kaj en la Moskva Regno ĝis la 16-a jarcento.

Ekzistas debato pri kiel Ruriko ekregis Ladogan kaj Novgorodon. La nuraj informoj pri li estas ĉerpitaj el la rusa Komenca kroniko de la 12-a jarcento, kiu deklaras ke la ĉudoj, ilmenaj slavoj (unu el la triboj orientslavaj), merioj, vepsoj kaj kriviĉoj (ankaŭ slava tribo)

	„ ... forpelis la varengojn reen trans la maron, rifuzis pagi al ili tributon, kaj komencis meme sin regi. ”

Poste la triboj komencis kontraŭbatali unu la alian kaj decidis inviti Rurikon por restaŭri ordon.

Ruriko restis en la povo ĝis sia morto en la jaro 879-a. Laŭ la nefidinda Joakima kronikoruse, li edziĝis al Efanda de Urman. Liaj posteuloj (la Rurikidoj), aliflanke, translokigis la ĉefurbon al Kievo kaj fondis la Kievan Regnon, kiu daŭris ĝis 1240, la tempo de la mongola invado. Multaj konserviĝintaj princaj familioj patrolinie devenas de Ruriko, kvankam la lasta rurikido reginta Rusion, Bazilo la 4-a, mortis en 1612.

Eksteraj ligiloj

• Sergio Pokrovskij: Ruriko kaj liaj fratoj. La Ondo de Esperanto, 2012:12.