Sándor Dankó

El Vikipedio, la libera enciklopedio
Salti al navigilo Salti al serĉilo

Sándor Dankó [ŝAndor dankO], laŭ hungarlingve kutima sinsekvo Dankó Sándor estis hungara juristo, juĝisto, amatora astronomo.

Sándor Dankó [1] naskiĝis la 31-an de julio 1922 en Ártánd. Li mortis en 1995 en Szolnok.

Biografio[redakti | redakti fonton]

Sándor Dankó frekventis mezlernejojn en Debrecen kaj Karcag, poste li akiris juran diplomon en Universitato de Debrecen, li doktoriĝis en 1944. Post siaj studoj li tuj soldatiĝis, poste li estis militkaptito. Li povis reveni nur en 1948. Post la juĝista fakdiplomo en 1951 li estis nomumita juĝisto en Szolnok. Dum la Hungara revolucio de 1956 li apogis la revolucion. En 1961 li eklaboris kiel juristo en fabriko en Tiszaszederkény. Dum libertempoj li okupiĝis konstante pri astronomio, eĉ li ricevis memormedalon en 1978. Li disvastigis la astronomion al simplaj homoj.

Fontoj[redakti | redakti fonton]

Ĉi tiu artikolo estas verkita en Esperanto-Vikipedio kiel la unua el ĉiuj lingvoj en la tuta Vikipedia projekto.