Saĝtelefono

El Vikipedio, la libera enciklopedio
Salti al navigilo Salti al serĉilo
Saĝtelefono (smartfono) Asus ZenFone 6

Saĝtelefono[1][2], nomata en Esperanto ankaŭ smartfono (forme plej internacia), aptelefono, plurfunkcia poŝtelefono[1], inteligenta telefono, lerta telefono[3]kompufono[4] estas multfunkcia poŝtelefono.

Krom por telefoni, saĝtelefonoj taŭgas kutime interalie por retumi, foti, filmi, navigi, spekti videojn, aŭdigi sondosierojn, uzi komputilajn ludojn kaj tiel plu. Grava diferenco inter saĝtelefonoj kaj aliaj poŝtelefonoj estas tio, ke en tiu mankas butonoj. La navigado povas okazi helpe de diversaj fingrotuŝoj de la ekrano.

Softvaro[redakti | redakti fonton]

La plej multaj saĝtelefonoj uzas la operaciumojn iOS (iPhone de Apple) kaj Android. La tria operaciumo Windows Phone kiun uzis Nokia (Lumia) ĉesis en 2018 kaj nun Lumia-aptelefonoj ankaŭ uzas la operaciumon Android. Symbian kaj Firefox OS estas malaperintaj operaciumoj. Ubuntu Touch ne plu estas subtenata de Canonical Ltd.

Oni povas uzi aplikaĵojn (apo) dekomence haveblajn kun la operaciumo, kaj aldone eblas instali aliajn apojn el iu deponejo: Apple App Store, Google Play Store, BlackBerry App World. Por saĝtelefonoj rulataj de Android ekzistas ankaŭ ceteraj deponejoj, ekzemple: Aptoide, Cafe Bazaar, F-Droid, GetJar, Opera Mobile Store, SlideME.

Referencoj[redakti | redakti fonton]

  1. 1,0 1,1 Pri "smartphone" en la Komputeko
  2. En "Plena Vortaro Esperanto-Germana", de Erich-Dieter Krause, paĝo 1158, sub la kapvorto "saĝa" legeblas varianto kun streketo, nome "saĝ-telefono".
  3. Lerta tele fono laŭ MONATO-konvencioj [1]
  4. Pri "smartphone" en la "Reta Vortaro"

Vidu ankaŭ[redakti | redakti fonton]