Sandra Bergqvist
| Sandra Bergqvist | |
|---|---|
.jpg)
| |
| Persona informo | |
| Naskiĝo | 14-an de aprilo 1980 (44-jaraĝa) en Nagu, vilaĝo ekde 2009 en la komunumo Pargas de Origina Finnlando |
| Lingvoj | sveda • finna |
| Loĝloko | Pargas |
| Ŝtataneco | Finnlando 
|
| Alma mater | Åbo Akademi - magistro de socia scienco (–2005)
|
| Okupo | |
| Okupo | politikisto
|
| TTT | |
| Retejo | https://www.sandrabergqvist.fi/ |
Sandra Ida Christina Bergqvist (naskiĝis la 14-an de aprilo 1980 en Nagu, vilaĝo ekde 2009 en la komunumo Pargas) estas svedlingva finna politikistino, kiu ekde 2019 estas parlamentano de Sveda Popola Partio de Finnlando el la balotdistrikto Origina Finnlando. Ŝi funkcias kiel la Ministro de sporto kaj junularo de la registaro de Petteri Orpo ekde la 20-a de junio 2023.
Bergqvist funkcias kiel la vicprezidanto de la jura komisiono de la parlamento kaj membro de la transporto kaj komunikado-komisiono. Ŝi estis la 2-a vicprezidanto de la parlamenta grupo de la Sveda Popola Partio de Finnlando (la 7-an de junio 2019 – la 19-an de junio 2023).
Bergqvist estas agrikultura entreprenistino laŭ profesio. Ŝi faris gimnaziofinan ekzamenon en Sveda gimnazio de Pargas en 2000 kaj magistriĝis pri politika scienco ĉe la svedlingva universitato Åbo Akademi de Turkuo en 2005. Ŝi laboris interalie kiel sekretario de la distrikto Åboland de Svensk Ungdom (la junulara organizaĵo de svedlingvaj finnoj), proparolanto de la Finna-Sveda Popola Asembleo, ĝenerala inspektoro de la Ministerio de Edukado kaj Kulturo, la projektkunordiganto de Åbo Akademi, kaj antaŭ ŝia elekto ekde 2013 oficis kiel parlamentano en la servo de la Urba Konsilio. Bergqvist ankaŭ estas la prezidanto de la Finna-Sveda Nacia Asembleo ekde 2019.
Eksteraj ligiloj[redakti | redakti fonton]
- Oficiala retejo (svede kaj finne)
