Shrek (filmo)
| Shrek | |
|---|---|
| |
| movbilda filmo | |
| Originala titolo | Shrek |
| Originala lingvo | angla lingvo |
| Kina aperdato | 5 jul. 2001, 22 apr. 2001, 18 maj. 2001, 2001 |
| Ĝenro | fantasta filmo, film based on book, amikopara filmo, fantasta komedio, aventura filmo, fabelfilmo |
| Reĝisoro(j) | Andrew Adamson • Vicky Jenson |
| Produktisto(j) | Jeffrey Katzenberg • Aron Warner • John H. Williams • Steven Spielberg |
| Scenaro | Ted Elliott • Terry Rossio • Joe Stillman • Roger S. H. Schulman • William Steig • Chris Miller • Cody Cameron • Conrad Vernon |
| Loko de rakonto | DuLoc |
| Muziko de | John Powell • Harry Gregson-Williams |
| Rolantoj | sen valoro |
| Produktinta firmao | DreamWorks Pacific Data Images DreamWorks Animation |
| Honorigoj | Akademia Premio por la Plej Bona Longa Movbilda Filmo |
| IMDb | |
Shrek [Ŝrek] estas perkomputile farita animacia filmo laŭ motivoj de fabela libro Shrek!, kiun en la jaro 1990 verkis William Steig. La filmo estiĝis en studio "DreamWorks Animation" frunte kun reĝisoro Andrew Adamson en la jaro 2001. En la sama jaro ĝi gajnis kiel entute unua filmo la Oscar-premion en kategorio "plej bona tutvespera animacia filmo".
Ĝi estas la unua filmo de la Shrek serio.
Rakonto
[redakti | redakti fonton]Ŝreko (Shrek) estas malafabla kaj malicia ogro, kiu vivas sole sed kontente en sia izolita marĉo, timigante lokalajn vilaĝanojn. Iun tagon, multaj fabelaj estaĵoj ekaperas en la marĉo. Ili diras al Ŝreko, ke ili estis ekziligitaj el ilia lando, Duloko (Duloc), de la registo, Sinjoro Farkvado (Lord Farquaad). Ŝreko decidas iri renkonti Farkvadon persone, sed li ne scias la vojon, do li akceptas, ke la multparolanta Azenĉjo (Donkey), unu el la ekziligitaj estaĵoj, gvidi lin.
En Duloko, Farkvado konsentas redoni al Ŝreko sian kvietan marĉon sen invadantoj se la ogro kompletas taskon por li. La tasko konsistas en savi la Princinon Fionon (Princess Fiona) el la plej alta turo de fortiko gardita de terura drako kaj alporti ŝin al Duloko. Farkvado planas edziĝi kun Fiona por fariĝi vera reĝo. Ŝreko akceptas la proponon kaj iras kun Azenĉjo al la fortiko.
Ĉe la fortiko, Ŝreko kaj Azenĉjo savas Fionon nekutime. Azenĉjo ankaŭ malkovras, ke la "terura drako" estas efektive afabla drakino kaj enamiĝas kun ŝi. En la vojaĝo de la tri reen al Duloko, Ŝreko kaj Fiono enamiĝas. Tamen, pro iu misaŭdita parolo inter Fiono kaj Azenĉjo pri la ĉiutaga transformo de Fiona en ogrino, Ŝreko havas kverelon kun Fiono.
Dum la nupto de Farkvado kaj Fiono, Ŝrek invadas la preĝejon kaj protestas, ke li amas Fionon. La drakino mortigas kaj manĝas Farkvadon antaŭ la geedzoj Ŝreko kaj Fiono, en sia ogrina formo, kisas.
Rolantaro
[redakti | redakti fonton]- Mike Myers kiel Ŝreko (Shrek)
- Eddie Murphy kiel Azenĉjo (Donkey)
- Cameron Diaz kiel Princino Fiono (Princess Fiona)
- John Lithgow kiel Sinjoro Farkvado (Lord Farquaad)
- Vincent Cassel kiel franca Robin Hood
- Conrad Vernon kiel Zingibrovira Biskvito (Gingerbread Man)
- Cody Cameron kiel Pinokjo kaj La Tri Blindaj Musoj
- Chris Miller kiel la Magia Spegulo kaj Ĝepeto
- aliaj
