Sidney

El Vikipedio, la libera enciklopedio
Salti al navigilo Salti al serĉilo
Disambig-dark.svg Tiu ĉi artikolo temas pri la urbo Sidney en Kanado. Pri la samnoma, plej granda urbo de Aŭstralio vidu la artikolon Sidnejo.
Sidney
1936 Post Office Building, Sidney, BC.jpg
Administrado
Retpaĝaro www.sidney.ca [+]
Demografio
Geografio
Geografia situo 48° 39′ N, 123° 24′ U48.6506-123.399Koordinatoj: 48° 39′ N, 123° 24′ U [+]
Alto 5 m [+]
Areo 5,1 km² ( 510 ha) [+]
Situo de Sidney
Situo de Sidney
Alia projekto
Commons-logo.svg Vikimedia Komunejo Sidney, British Columbia [+]
Information icon.svg
vdr

Sidney estas urbeto situanta ĉe la norda parto de la Duoninsulo Saanich, en Vankuvera Insulo en la kanada provinco Brita Kolumbio. Parto de Aglomeraĵo Viktorio, ĝi havas proksimume 11 000 loĝantojn. Ĝi troviĝas senpere oriente de la internacia flughaveno de Viktorio, kaj sude de la provinca pramdoko ĉe Golfeto Swartz. En Sidney estas la sola kanada doko de la vaŝingtonia pramsistemo, de kie pramŝipoj servas al Anacortes kaj la insularo Sanjuana. Sidney situas laŭ provinca ŝoseo 17, kiu trakuras la urbeton de nordo al sudo.

Okcidente de Ŝoseo 17 estas mikse unufamiliaj domoj kaj malpezaj industriejoj. Oriente de la ŝoseo plimultas apartamentecaj loĝejoj (kvankam ankaŭ tie estas unuopaj domoj) kaj tie ĉi troviĝas la komerca kaj kultura centro de la urbeto.

Esperanto[redakti | redakti fonton]

Sidney estas grava loko en la Kanada Esperanto-movado, ĉefe pro tio ke tie loĝas Wally du Temple kaj Olga du Temple. Plurfoje ĝi gastigis la regionan kongreseton NOREK, kaj en 2004 dulandan kongreson de Kanada Esperanto-Asocio kaj Esperanto-Ligo por Norda Ameriko.

Interesaĵoj[redakti | redakti fonton]

Kiam klaras la vetero, Monto Bakera dominas la orientan horizonton. Se la aero estas aparte pura, oni povas vidi la pinton de Monto Rainier en sudoriento.