Space Launch System
La Space Launch System (SLS, angla por "spac-lanĉa sistemo") estas usona pezega lanĉ-veturilo kreita de NASA. Ĝi povas porti la plej grandan pezon el ĉiuj nun uzataj raketoj.[1] La SLS estas la ĉefa raketo de la Programo Artemis, kiu celas denovan surluniĝon. Ĝi do portos skipon, la spacveturilon Orion, kaj ĝian skipon al la Luno. La unua lanĉo de la SLS okazis la 16-an de novembro 2022, por la senhoma misio Artemis I.
La SLS evoluos al plej potencaj aranĝaĵoj. La unuaj tri lanĉoj uzos aranĝaĵon Block 1, kiu povas porti 27 tonelojn (t) al la Luno. Ekde la kvara lanĉo uzos aranĝaĵon Block 1B, kiu povas levi 38 t, kaj poste Block 2, kiu povas porti 46 t.[1]. Ĉiuj SLS-Blokoj konsistas en sama fasonado de la baza etaĝo, dum ili malsamas en siaj supraj etaĝoj kaj siaj akceliloj (ekz. Bloko 1, Bloko 1B, Bloko 2 ktp).
La usona Kongreso postulis la SLS projekton je 2010, celante ke uzado komencus je 2016[2]. Tamen, prokrastoj okazis multfoje, kaj la raketo ne estis preta ĝis 2022.
Fontoj[redakti | redakti fonton]
- ↑ 1,0 1,1 Jennifer Harbaugh (29 sepmonato 2022). NASA: Space Launch System (angle). Alirita 22 dekunumonato 2022.
- ↑ Usona 111a Kongreso (11 dekmonato 2010). S.3729 - National Aeronautics and Space Administration Authorization Act of 2010 (angle).