Regulo

Regulo estas formulo, kiu diras kio sekvas aŭ farendas en certa okazo. La vorto devenas de la latina regula.

• El sociologia vidpunkto regulo estas konvencio, kiun homoj obeas en sia konduto. Sociaj reguloj kaj normoj pluvivas pro tio, ke oni obeas ilin. Kiu sekvas regulojn povas kalkuli je akcepto flanke de la socio.

• En sportaj konkursoj kaj ludoj respekti regulojn estas nepra kondiĉo por oficiala rekono de la atingitaj rezultoj.

Proverbo

Ekzistas proverboj pri regulo en la Proverbaro Esperanta de L. L. Zamenhof:

• 	„ Ne ekzistas regulo sen escepto. ”

• 	„ Ne iru al fremda anaro kun via regularo. ”

• 	„  Ne puŝu vian regularon en fremdan anaron.  ”