Arbedo

Salikarbedo dum la frua printempo en Nederlando

Arbedo (frutex, virgultum) estas ligneca planto kun malalta trunketo, kiu disbranĉiĝas tuj de la bazo ekz. siringo, lilako, ribujo, kratago. La arbedo maksimume altas 3 metrojn. La arbeto havas pli altan trunkon (pigmaj arboj, arbetoj en la altaj montaroj).

Alia fonto difinas ĝin kiel perena, en plenkreska stato ĉirkaŭ 0,5 ĝis 8 m alta sentrunka aŭ multetrunka ligneca planto, kiu senpere disbranĉiĝas supre de la grundo. Sinonimo estas "arbetaĵo". La sama fakvortaro eksplikas ke disbranĉiĝi estas forkiĝi en plurajn partojn.

Arbedaro, sinonimo arbedaĵo, estas aro de kelkaj aŭ de multaj grupiĝintaj arbedoj .

Veprejo, aŭ densa (dorna) arbustaĵo, estas densa, malfacile trapenetrebla (dorna) arbedaro .

Fotogalerio

• 
  Aesculus parviflora
• 
  Cytisus scoparius
• 
  Fothergilla major
• 
  Irlanda pejzaĝo kun arbedo

Vidu ankaŭ

• Arbo
• Arbusto
• Bonsajo
• Mediteraneaj nord-afrikaj arbaroj