Malferma Tago de UEA

Duono de Kajto en la Malferma Tago
(printempo 2008)

La Malferma Tago de la Centra Oficejo de UEA okazas dufoje jare, sabate, kutime aprile kaj novembre. La tradicion komencis Osmo Buller en novembro 1994.

En la programo troviĝas prelegoj kaj aliaj kontribuoj, kiel koncertoj aŭ prezentoj de libroj. La libroservisto, Ionel Onet, kutimas doni etan superrigardon pri la nove aperintaj libroj komence de la programo.

Ofte oni havas ĉefgaston, per kiu oni varbas en la revuo Esperanto. Foje la aprilan Malferman Tagon oni kombinas kun la kunsido de la Estraro de UEA.

Pasintaj Malfermaj Tagoj

• La unua Malferma Tago okazis la 26-an de novembro 1994.
• La 28-a Malferma Tago okazis la 26-an de aprilo kaj estis markita de la 100-a datreveno de la fondo de UEA. Prelegis Probal Dasgupta kaj Ziko van Dijk, koncertis membroj de la grupo Kajto.
• La 29-a Malferma Tago okazis la 29-an de novembro 2008 kun ĉefgastoj Andreas Künzli kaj Alejandro Cossavella.
• La 35-a Malferma Tago okazis la 26-an de novembro 2011 kaj ĝi estis dediĉita al Tibor Sekelj kaj Vikipedio, ĉefa preleganto estis Spomenka Štimec.
• La 36-a Malferma Tago okazis la 28-an de aprilo 2012 kaj atentis la 50-an datrevenon de la transloĝiĝo de la sidejo de UEA al Nieuwe Binnenweg 176.
• La lasta Malferma Tago okazis la 27-a de aprilo 2013. La speciala gasto estis la redaktoro de Libera Folio kaj iama UEA-estrarano pri informado Kalle Kniivilä.

Venontaj Malfermaj Tagoj

• La sekva Malferma Tago okazos la 26-an de aprilo 2014.

Eksteraj ligiloj

• Informo pri la 29-a Malferma Tago de UEA : 29/11/2008
• Informo pri la 36-a Malferma Tago de UEA : 28/04/2012