Stripuga pinglovostulo
 | ||||||||||||||
|---|---|---|---|---|---|---|---|---|---|---|---|---|---|---|
 | ||||||||||||||
| Biologia klasado | ||||||||||||||
| ||||||||||||||
| Chaetura spinicauda (Temminck, 1839) | ||||||||||||||
| Konserva statuso | ||||||||||||||
 | ||||||||||||||
Sinonimoj
| ||||||||||||||
|
| ||||||||||||||
Aliaj Vikimediaj projektoj
| ||||||||||||||
La Stripuga pinglovostulo, Chaetura spinicauda, estas eta birdo de la familio de Apusedoj, kiu enhavas ankaŭ la apusojn, apusetojn, salanganojn, ktp.
Tiu ĉi specio reproduktiĝas en arbaraj areoj de Kostariko suden kaj orienten ĝis Kolombio, Venezuelo, la Gujanoj, Trinidado kaj nordorienta Brazilo. La nesto estas duontelero de bastonetoj algluitaj al interno de arbotruo aŭ similforma lokigo per salivo.
Taksonomio kaj sistematiko
[redakti | redakti fonton]La Stripuga pinglovostulo, Palpuga pinglovostulo (C. egregia), Grizpuga pinglovostulo (C. cinereiventris), kaj Martinika pinglovostulo (C. martinica) iam estis lokitaj en la genro Acanthylis. Dum granda parto de la 20-a jarcento, la Kostarika apuso (C. fumosa) estis traktata kiel subspecio de la Stripuga pinglovostulo. Ekde tiam, al la Stripuga pinglovostulo estis asignitaj du subspecioj, la nomiga C. s. spinicaudus kaj C. s. aetherodroma. Aliaj subspecioj estis proponitaj sed ne akceptitaj.[1]
Priskribo
[redakti | redakti fonton]La Stripuga pinglovostulo estas rapida svelta birdo, 11.5 cm longa kaj peza 15 g. La supraj partoj estas nigrecaj kun blankeca strio tra la pugo, kio nomigas la specion, kaj la subaj partoj estas malhelbrunaj kun pli pala gorĝo. Ĝi havas mallongan voston.
La Stripuga pinglovostulo manĝas dumfluge flugantajn insektojn kiel plej parto de la birdoj de sia familio. Ĝi estas ofte malalte super ŝoseoj aŭ maldensejoj matene aŭ vespere, suprenirante alte super la arbaro, ofte kun aliaj apusoj, meztage.
La Stripuga pinglovostulo havas kriecan alvokon csink.
Referencoj
[redakti | redakti fonton]- Swifts de Chantler kaj Driessens, ISBN 1-873403-83-6
- ffrench, Richard. (1991) A Guide to the Birds of Trinidad and Tobago, 2‑a eldono, Comstock Publishing. ISBN 0-8014-9792-2.
- Hilty, Steven L. (2003) Birds of Venezuela. Londono: Christopher Helm. ISBN 0-7136-6418-5.