La TGV Duplex estas franca altrapida trajno de la TGV-familio, produktita fare de Alstom, kaj funkciigita fare de la franca nacia fervoja kompanio SNCF. Ĝi estas unika inter TGV-trajnoj ĉar ĝi havas du-etaĝajn veturilojn. La Duplex inaŭguris la trian generacion de TGV-trajnoj. Ĝi estis speciale dezajnita por pliigi kapaciton sur altrapidaj linioj kun saturita trafiko. Per du sidlokaj etaĝoj kaj sid-kapacito de 508 pasaĝeroj, la Duplex pliigas la pasaĝerkapaciton. Dum la TGV Duplex komenciĝis kiel malgranda komponanto de la TGV-floto, ĝi fariĝis unu el la laborĉevaloj de la sistemo.