Taipei 101

	Taipei 101
	ĉine: 台北101 aŭ 臺北101
	nubskrapulo
	Tajpeo 101, inter la jaroj 2004-2010 la plej alta konstruaĵo en la mondo
	Kromnomo: Taipei World Financial Center
Lando	Tajvano
Insulo	Tajvano
Distrikto	Distrikto Xinyi
Municipo	Tajpeo
Tipo de konstruaĵo	Nubskrapulo
Situo	Taipei 101
- koordinatoj	25° 02′ 01″ N 121° 33′ 54″ O / 25.03361 °N, 121.56500 °O (mapo)
Alteco	509,2 m
- tegmento	449,2 m
Areo de etaĝoj	412,500 m²
Arkitektoj	C.Y. Lee & Partners
Materialoj	ŝtalo, vitro
Konstruata	1999-2004
- malfermita	31-a de decembro 2004
Gvidantaro	Urban Retail Properties Co.
Posedanto	Taipei Financial Center Corporation
Por publiko	publike alirebla
Etaĝoj	101
Liftoj	61 Toshiba/KONE liftoj, inkluzive de etaĝpendolaj kaj du rapidec-observaj liftoj
Uzo	Diversspeca uzo: komunikado, konferencoj, centroj de sano, bibliotekoj, observado, kancelarioj, restoracioj, vendejoj
Antaŭulo	Petronas-turoj
Superanto	Burĝ Ĥalifa
	Situo de Tajpeo 101 sur Tajvano Situo de Tajpeo 101 sur Tajvano
	Vikimedia Komunejo: Tajpeo 101
	Retpaĝo: My E Gov, The E-government Entry Point of Taiwan - Taiwan Yearbook 2005

Koordinatoj: 25° 02′ 01″ N 121° 33′ 54″ O / 25.03361 °N, 121.56500 °O (mapo)

Tajpeo 101, inaŭgurita en Tajvano komence de 2004, estis la plej alta nubskrapulo en la mondo pro siaj 508 m.

Ekde la 21-a de julio 2007 ĝia alteco estas duaranga post tiu de Burĝ Ĥalifa, kiu atingis tiam la altecon de 512,10 m kaj poste estis ankoraŭ plikonstruata. Tamen oficiale oni nur ekde la jaro 2010 juĝas Burĝ Ĥalifa kiel konstruaĵo, kiam ĝi estis finkonstruita.

La turo Tajpeo 101 havas 101 etaĝojn (tial ĝia nomo) kaj kvin subterajn nivelojn.

Konstruado[redakti | redakti fonton]

La nubskrapulo, nomita ankaŭ "majesta blu-turkisa bambuo" estis konstruita de la arkitektaro C.Y. Lee & Partners Architects. La turo, en kiu povas esti 12 000 personoj, kulminas je 508 metroj kaj havas 101 etaĝojn. La turo atingis la titolon de "plej alta konstruaĵo" la 9-an de oktobro 2003, kiam ĝia alteco superis tiun de la ĝemelaj turoj Petronas. Ĝi pezas 700 000 tunojn.

Inter ĝiaj 34 liftoj, iuj atingas la 91-an etaĝon post 39 sekundoj.

La konstrukostoj de la turo atingis 1,7 miliardojn da eŭroj.

Rezisto al naturaj katastrofoj[redakti | redakti fonton]

Tajvano estas insulo, kie uraganoj kaj tertremoj oftas. Tajpeo 101 estis konstruita laŭ fengŝuo. En la 92-a etaĝo de la turo pendas 660 tunojn peza ŝtalglobo. Ties amplitudo povas atingi 1,5 metrojn por kontraŭbalanci 30 ĝis 40 % de la moviĝoj de la konstruaĵo kaŭzitaj de ventegoj aŭ uraganoj, tertremo aŭ enflugo de malpeza aviadilo. Tiu globo kaj ĝia ĉambro estas prezentataj kiel artaĵo kaj dezajnaĵo.

Tertremo dum la konstruado en 2002 faligis du gruojn el la 56-a etaĝo kaj mortigis 5 homojn. Sed la konstruaĵo mem tiam pruvis sian taŭgecon.

La vitroj estas duoble pli rezistemaj ol tiuj de kutimaj nubskrapuloj. Nova tekniko ebligis tian pligrandigon de rezisto.