Tone Logar

El Vikipedio, la libera enciklopedio
Salti al navigilo Salti al serĉilo

Tone LOGAR (naskita en 1913; mortinta la 29-an de septembro 1994 en Ljubljana) estis slovena esperantisto.

Lerninte Esperanton en 1930, li kunfondis la Ljubljanan Esperanto-rondon (1932) kaj Slovenian Esperanto-Ligon (1937).

Li instruis, ankaŭ per radia kaj gazeta kursoj, kaj kompilis korespondan kurson en bildoj. Li tradukis la fabelon Neĝulino de la fratoj Grimm (1967) kaj ankaŭ Krono de l' sonetoj de la slovena poeto France Prešeren (1986). Profesie reklamgrafikisto, li presis Esperantajn poŝtkartojn kaj propagandilojn. Logar estis la Ljubljana delegito de UEA inter 1947 kaj 1988, kaj fakdelegito pri grafiko ĝis la morto. Longtempe li prezidis la Esperanto-societon en Ljubljana.