Uhuru Kenyatta

El Vikipedio, la libera enciklopedio
Saltu al: navigado, serĉo
Uhuru Muigai Kenyatta
Uhuru Muigai
Uhuru Muigai Kenyatta
Persona informo
Nomo Uhuru Muigai Kenyatta
Dato de naskiĝo 26-a de oktobro 1961 [#]
Loko de naskiĝo Najrobo [#]
Okupo politikisto [#]
Aĝo 56
Portalo pri Homoj
v  d  r
Information icon.svg

Uhuru Muigai KENYATTA (naskiĝis la 26-an de oktobro 1961 en Najrobo) estas kenja kikuja politikisto kaj la filo de la unua prezidanto de Kenjo, Jomo Kenyatta. Dum la ŝtatprezidanta elektado de marto 2013 li gajnis 50,03 % el la balotoj post longdaŭra voĉdonnombrado.

Li eniris la Parlamenton en 2001 kaj fariĝis la ministro pri loka regado. Prezidanto Daniel arap Moi nomis lin kiel posteulon, sed Kenyatta malvenkis kontraŭ Mwai Kibaki dum la elektado de decembro 2002, kaj li iĝis gvidanto de la opozicio en la Parlamento. Li subtenis Mwai Kibaki'n en 2007 kaj nomumiĝis ree ministro pri loka regado en januaro 2008, kaj poste vicĉefministro kaj ministro pri komerco en la koalicio de aprilo 2008.

En julio 2013 li frontos proceson ĉe la Internacia Puna Kortumo pro akuzo (je 15 dec. 2010) de krimoj kontraŭ la homeco, pro kio li demisiis kiel ministro pri financo la 26-an de januaro 2012. La afero estas la perforto post la balotado en 2007–2008, dum kiu 800–1500 homoj mortis kaj ĉirkaŭ 200.000 rifuĝis.