Universitato de Esperanto

El Vikipedio, la libera enciklopedio
Salti al navigilo Salti al serĉilo
Ĉi tiu artikolo estas verkita en Esperanto-Vikipedio kiel la unua el ĉiuj lingvoj en la tuta Vikipedia projekto.

Universitato de Esperanto estas projekto kolekti plenlongajn universitatajn kursojn, originale prezentitajn en universitatoj tra la mondo, filmitajn kaj poste en aparta retejo prezentitajn, kiel kursoj tute en la Internacia Lingvo Esperanto. Ĉiuj kursoj estis origine instruataj al studentoj kaj dum tio filmataj.

Celo[redakti | redakti fonton]

La intenco estas, ke en evoluo de la projekto ĉiuj lecionoj estu haveblaj en en interreto sub permesilo de Krea Komunaĵo (Creative Commons).[1] En esperant- kaj anglalingva prezento de la projekto en ties retejo estas elstarigata, ke "La kursoj estas ne pri Esperanto aŭ pri Esperanto kaj lingvistiko; la kursoj koncernu temojn de intereso ĝenerala al la akademia mondo: historio, filozofio, psikologio, sociologio, natursciencoj kiel biologio aŭ astronomio ktp."

Historio[redakti | redakti fonton]

La unuaj universitataj kursoj okazis en januaro kaj februaro 2012 por celebri la 125-jaran datrevenon de Esperanto, kaj por kuncelebri la internacian jaron de Alan Turing. La unuaj du kursoj komplete filmitaj kaj enretigitaj estis instruataj en la projekto "Esperanto-Insulo", sur la insulo Hajnano de Ĉinio inter la 11-a de januaro kaj la 12-a de februaro 2012:

  • kurso de profesoro Federico Gobbo pri Historio kaj Filozofio de la Informadiko kadre de 20 lecionoj de po 2 horoj
  • kurso de profesoro Ron Glossop pri la temo Alfronti Militon same kadre de 20 lecionoj de po 2 horoj.
  • Intertempe aldoniĝis tria, komplete filmita kurso, de profesoro Amri Wandel pri Astronomio kaj Astrofiziko, kadre de 33 lecionoj de po horo.[2]

Referencoj[redakti | redakti fonton]

Eksteraj ligiloj[redakti | redakti fonton]