Federico Gobbo

El Vikipedio, la libera enciklopedio
Salti al navigilo Salti al serĉilo
Federico Gobbo
Federico Gobbo prelegas dum la 44a Malferma Tago, en la Centra Oficejo de UEA
Federico Gobbo prelegas dum la 44a Malferma Tago, en la Centra Oficejo de UEA
Persona informo
Naskiĝo 26-an de marto 1974
en Padovo
Lingvoj itala lingvoangla lingvoEsperanto
Nacieco italo
Ŝtataneco Italio
Profesio
Profesio lingvistoesperantistoesperantologo
Information icon.svg
vdr

Federico GOBBO (naskiĝis la 26-an de marto 1974) estas italo kaj loĝas en la urboj Milano kaj Amsterdamo. Li estas interlingvisto, esperantologo, informadikisto kaj filozofo pri komputado.

Postenoj en Esperantujo[redakti | redakti fonton]

Federico Gobbo esperantistiĝis en 1997 per retkurso de ELNA kaj baldaŭ aktiviĝis en la itala junulara movado, kiam li lanĉis la retejon Esperanto.it kaj la retkurson de Esperanto por itallingvanoj Kirek. En 1998 li magistriĝis en esperantologio ĉe la Universitato de Torino kun profesoro Fabrizio Pennacchietti. Ekde 2005 li membras en la teamo de la revuo Language Problems and Language Planning.

En 2012 li partoprenas al projekto Universitato de Esperanto sur Esperanto-Insulo, Hajnano, Ĉinio. Danke al tiu partopreno samjare li iĝis Adjunkta Docento (ADoc) pri Kibernetiko ĉe Akademio Internacia de la Sciencoj San Marino.

Aliaj postenoj[redakti | redakti fonton]

En 2009 li doktoriĝis en la Departemento de Informadiko kaj Komunikado (DICOM) ĉe la Universitato de Insubria, Italio per disertacio pri komputika lingvistiko, en kiu li uzis Esperanton. En 2009 li iĝis profesoro pri historio de informadiko ĉe la Universitato de Insubria, Italio. Ekde 2010 li kunfondis la fakrevuon InKoj eldonatan de la Universitato de Milano kune kun profesoroj Paolo Valore kaj Massimo Rizzardini, de kie li foriris en februaro 2011. En 2011 li iĝis laŭkontrakta profesoro pri Lingvoplanado kaj Planlingvoj ĉe la Universitato de Torino, kie li daŭrigis la tradicion de Fabrizio Pennacchietti.

Ekde la 2014 li prenis la katedron pri Interlingvistiko kaj Esperanto ĉe la Universitato de Amsterdamo, Nederlando.

Partoprenis en la libro Language Policy and Linguistic Justice.

Eksteraj ligiloj[redakti | redakti fonton]