Taoufik Jelassi
Taoufik Jelassi | |
---|---|
Persona informo | |
Naskiĝo | 17-an de oktobro 1957 (66-jaraĝa) en Monastir |
Ŝtataneco | Tunizio |
Okupo | |
Okupo | akademiulo politikisto |
Taoufik Jelassi (elp. Tawfik Jelassi ,araba: توفيق الجلاصي, naskiĝis la 17-an de oktobro 1957 en Monastir) estas tunezia universitata profesoro kaj tunizia politikisto kiu en 2021 fariĝis vic-ĝenerala direktoro ĉe Unesko, respondeca pri la sektoro komunikado kaj informado[1]. Kiel akademiano liaj esploroj temas pri cifereca komerca transformado kaj gvidado en turbulaj tempoj. Li publikigis multajn librojn kaj esplorartikolojn, kaj instruis grandskale pri Majstro pri Komerca Administrado kaj administraj edukprogramoj ĉirkaŭ la mondo[2].
Akademia kariero[redakti | redakti fonton]
Tawfik Jelassi diplomiĝis ĉe ISG Tunizo. Li obtenis magistrecon en Komputado-sciencoj aplikata al administrado (MIAGE) ĉe la Universitato de Parizo-Dauphine kaj en la sama universitato ankaŭ Diplomon de Superaj Studoj (DEA) en Komputado por organizoj (1978-1982). Tawfik Jelassi ankaŭ ricevis doktorecon pri Management Information Systems (MIS) ĉe la Universitato de Novjorko (1982-1985). Ekde 2015 Tawfik Jelassi estas Profesoro pri Strategio kaj Teknologia Administrado kaj Programa Direktoro ĉe la IMD-Komerca Lernejo en Laŭzano (Svislando) kaj ekde 2020 ankaŭ vizitanta profesoro ĉe aivanticity.ai., franca privata altlernejo.
Ministro[redakti | redakti fonton]
Inter 2014-2015 li estis ministro de supera edukado, scienca esplorado kaj informteknologioj kaj informato en la registaro Jomaa (la registaro de demokrata transiro en Tunizio.de la 29-a de januaro 2014 ĝis la 6-a de februaro 2015).
Unesko[redakti | redakti fonton]
En aprilo 2021, fariĝinta vic-ĝenerala direktoro de Unesko li respondecas pri sektoro kiu kovras la ciferecan transformadon, la ciferecan novigon, la socion de la scio, la paroliberecon kaj la rolon de la informteknologioj kaj de la komunikado en la estonteco de la edukado[3].
Esperanto[redakti | redakti fonton]
Taoufik Jelassi sendis salutleteron al la 2-a Virtuala Kongreso de Esperanto, en kiu li menciis, ke "Unesko estas feliĉa kaj fiera labori flanke de UEA ekde jardekoj por antaŭenigi la kulturan kaj lingvan diversecojn [...] por konstrui kaj fortigi pacon"[4].
Honoroj[redakti | redakti fonton]
D-ro Jelassi ricevis multajn akademiajn premiojn en Usono kaj Eŭropo kaj ankaŭ du naciajn ordonojn de la tunizia prezidento: 'Commandeur de l'Ordre de la République' kaj 'Chevalier de l'Ordre du Mérite dans le domaine de l'éducation et des sciences'[5]. Krome li riecvis dek kvin internaciajn honorajn distingojn[6].
En 1990 kaj en 2010, li estas invitita profesoro ĉe la Harvard Business School kaj, de 2004 al 2006, honora profesoro de la barata Instituto de teknologio de Delhi[6].
Notoj kaj referencoj[redakti | redakti fonton]
Tiu ĉi traduko estas parta aŭ tuta traduko de la samtitola artikolo en la franclingva vikipedio, listo de aŭtoroj.
- ↑ (fr) «Unesco : le Tunisien Taoufik Jelassi remplace Moez Chakchouk comme sous-directeur général» arkivo, jeuneafrique.com, la 1-an de aprilo 2021.
- ↑ (en) Tawfik Jelassi: When the call comes | TEDxGeneva, YouTube
- ↑ (fr) «Tawfik Jelassi chargé de la transformation et de l'innovation numériques à l’UNESCO» arkivo, webmanagercenter.com, la 17-an de majo 2021
- ↑ (eo) La 2-a Virtuala Kongreso malfermiĝis kun bunta programo kaj salutletero de Unesko, Gazetaraj Komunikoj de UEA, n-ro 965 (2021-07-18)
- ↑ (en) About Dr. Tawfik Jelassi, aivancity.ai
- ↑ 6,0 6,1 (fr) «Qui est Taoufik Jelassi, ministre de l'enseignement supérieur, de la recherche scientifique et des TIC ?» arkivo, leaders.com.tn, la 26-an de januaro 2014
Eksteraj ligiloj[redakti | redakti fonton]
(en) Dr. Tawfik Jelassi, UNESCO Assistant Director-General for Communication and Information, YouTube
Julien Clémençot, «Tawfik Jelassi», jeuneafrique.com, la 19-an de majo 2009