Vikipedio:Stilogvido

El Vikipedio, la libera enciklopedio
(Alidirektita el Vikipedio:Aspekto kaj stilo)
Saltu al: navigado, serĉo

Tio estas stilogvido por skribi korekte en Vikipedio. Sekvas kelkaj konsiloj.

Universala LingvoElektilo[redakti]

La titoloj kaj artikoloj de Vikipedio estas skribataj per oficiala Esperanta alfabeto kun diakritaj signoj. Oni ne devas eviti ĉapelitajn literojn per surogata skribosistemo (Skribu "ĉ", ne "ch", "c^" aŭ "cx"). Laŭ Universala lingvo-selektilo oni povas elekti X-sistemon, H-sistemon ktp.

Loupe.svg Pli detalaj informoj troveblas en la artikolo Helpo:Universala LingvoElektilo.

X-sistemo[redakti]

X-sistemo de Esperanto.

Tradicie oni povas tajpi tiajn literojn per X-sistemo. Se oni tajpas "u", "x" en la serĉilo aŭ en la redaktopaĝo, la literoj aŭtomate iĝas "ŭ". Se ne, ili aperas kiel la litero "ŭ" ene en la redaktata artikolo: tio estas kontrolebla per Antaŭrigardo.

Dum redaktopaĝo oni ankaŭ povas trovi la Esperantajn ĉapelitajn literojn en "Specialaj signifoj" en la suba kesto.

Kiam oni literumas "ux" (du literoj de "u" kaj "x") por alilingva vorto en artikolo aŭ titolo, oni devas ripete tajpi "x" (kiel "u", "x", "x"). Estas rekomendate pli ofte uzi butonon Antaŭrigardo.

Komenco de artikolo[redakti]

Oni dikigas la literojn de la titolo, kiu estas unue montrita en la artikolo. Tio ofte aperas en la unua frazo aŭ almenaŭ unua paragrafo. Se la titolo estas alilingva vorto, ĝi estu diklitera kaj kursiva. Por decidi la titolon, vidu VP:TA. Laŭ la principo de NLPP, estas rekomendite montri la prononcon ĉe la unua apero de la alilingva vorto. Prononco estas klarigebla simple per Esperanta alfabeto (28 literoj) en [ ] krampoj. Kiam la fremda prononco estas malfacila, bonvolu ne uzi Esperantan alfabeton nek miksi ĝin kun la alia. Por klarigi precizan prononcon, uzu IFA-n.

Vortelekto[redakti]

Evitu similajn sonojn[redakti]

Prefere ne najbarigu samajn aŭ similajn sonojn. Tia "kolizio" povas ĝeni fluan paroladon aŭ doni tedan impreson. Kio ŝajnas al vi facile prononcebla eble ne estas tia por homoj de alia gepatra lingvo.

Evitu: Preferu:
fajrruĝa fajroruĝa aŭ fajre ruĝa
vivformo vivoformo
akvfalo akvofalo
ŝi ĝin ĉeestis ŝi partoprenis ĝin

Ŝparu superfluajn vorterojn[redakti]

Evitu: Preferu:
prilumigi prilumi aŭ lumigi
veturado veturo
komputilistiko komputiko

Rezignu pri lingvaj "specialaĵoj"[redakti]

Evitu: Preferu:
sciatas ke oni scias ke[1]
okazunta milito ebla milito
preparitis ĉio ĉio estis preparita / (jam) preta

Difina artikolo[redakti]

Se oni ne estas certa pri la uzo de la difina artikolo la, rekomendite legi PMEG.

Evitu: Preferu:
rusa lingvo la rusa lingvo
la Esperanto Esperanto
en urbo Parizo en la urbo Parizo
suno la suno
Lupo estas formortanta en Eŭropo. La lupo estas formortanta en Eŭropo. = La lupoj estas formortantaj en Eŭropo.

Ŝablonoj[redakti]

Estas utilaj ŝablonoj:
{{Kontrolinda enhavo}}

{{polurinda}}

Vidu ankaŭ[redakti]

Notoj kaj referencoj[redakti]

  1. Ĝenerale evitinda en Vikipedio formo: necesas diri precize, kiu „scias ke“.