Vikipedio:Esperantigo de nomoj

Por ĝeneralaj reguloj vidu ĉe: Esperantigo de vortoj.

Oni uzas diversajn sistemojn por skribi nacilingvajn nomojn en Esperanto-gazetoj. Jen la plej popularaj:

• ENNP (Esperantigita Nomo - Nacilingva Parenteze)
• NLPP (Nacia Lingvo - Prononco Parenteze)
• PEN (Plena Esperantigo de Nomoj)

„ Propran nomon oni povas nun skribi tiel, kiel ĝi estas skribata en la gepatra lingvo de ĝia [sia] posedanto, ĉar en la nuna tempo la fonetika skribado de multaj nomoj kaŭzus tro grandan kriplaĵon de tiuj nomoj kaj diversajn malkomprenaĵojn. Sed tio ĉi estas nur rimedo provizora; ni devas celadi al tio, ke pli aŭ malpli frue en la lingvo internacia ĉiuj nomoj estu skribataj laŭ la fonetiko internacia de tiu ĉi lingvo, por ke ĉiuj nacioj povu legi ĝuste tiujn nomojn. ” — Esperantistische Mitteilungen, Junio 1904, (citita en Lingvo lnternacia, 1904, p. 216)

La celata sistemo de Zamenhof ŝajnas PEN (aŭ eble ENNP), sed ĝi ne estas sufiĉe akceptata de esperantistaro.

Kiel Zamenhof, siatempe tre populara retportalo Ĝangalo ankaŭ postulis plenan esperantigon de ĉiuj fremdaĵoj.

La TTT estas bona referenco por respondi al ĉi tiuj demandoj kaj decidi.

NLPP en esperanta Vikipedio

En la esperanta Vikipedio, oni preferas uzi la NLPP-sistemon laŭ la reguloj sub Vikipedio:Titoloj de artikoloj.

Vidu ankaŭ

• Esperantigo de vortoj
• Latinigo

Eksteraj ligiloj

• Diskuto en portalo lernu.net pri esperantigo de propraj nomoj
• William Auld pri sia esperantigo de propraj nomoj en "La ĉashundo de la Baskerviloj"
• Rekomendo de la Akademio pri la uzo de propraj nomoj, Oficialaj Informoj, Numero 22 - 2013 10 10