Volfgango el Ratisbono

Postenoj
Postenoj	Roman Catholic Bishop of Regensburg • episkopo vd

**Volfgango el Ratisbono**
	Sankta
Volfgango el Ratisbono
Persona informo
	Wolfgang von Regensburg
Naskiĝo	ĉ. 924; en Pfullingen
Morto	31-an de oktobro 994; en Pupping
Tombo	St. Emmeram's Basilica vd
Religio	kristanismo vd
Lingvoj	germana vd
Ŝtataneco	Sankta Romia Imperio vd
Profesio
Okupo	katolika sacerdoto • katolika episkopo vd
Postenoj
Postenoj	Roman Catholic Bishop of Regensburg • episkopo vd
episkopo de Ratisbono
Dum	ekde 972
Sanktulo
Kanonizo	1052 de Leono la 9-a
Festotago	31-a de oktobro
Atributoj	episkopa bastono, preĝejo; (hakilo)
Patroneco	kamparanoj kaj lignohakistoj; ĝenerala helpanto el mizero
vd	Fonto: Vikidatumoj
	v • d • r

Volfgango el Ratisbono (germane Wolfgang von Regensburg; naskiĝis ĉirkaŭ 924 apud Reutlingen, eble en Pfullingen, mortis la 31-an de oktobro 994 en Pupping) estis kapitula instruadestro (magister scholarum), misiisto kaj ekde 972 episkopo de Ratisbono (germane Regensburg). Li sanktuliĝis en 1052.

Vivo[redakti | redakti fonton]

Post trejniĝi en Reichenau kaj Würzburg li frokuliĝis en 964 ĉe Monaĥejo Einsiedeln. Ĉi tie li aktivis kiel lernejestro kaj dekano inter 966 kaj 970/971. Poste li dediĉis sin al la kristanigo de la hungaroj. En 972 li nomumitis episkopo ratisbona kaj antaŭenigis la kreon de la diocezo de Prago. Kelkan tempon li vivis kiel ermito en la poste por li nomita loko Sankt Wolfgang im Salzkammergut. Li mortis vojaĝante al Orienta Markio.

Papo Leono la 9-a deklaris lin sanktulo en 1052 en Ratisbono mem. Volfgango iĝis patrono de la kamparanoj kaj lignodehakistoj kaj estas ĝenerala helpanto el mizero.^[1] Lia kulto floris ekde la malfrua mezepoko en Suda Germanujo, Aŭstrio kaj Svislando (ekz. en Einsiedeln, en la volfganga pilgrimejo en Düdingen). Lia latinlingva hagiografio Legenda sancti Wolfgangi laŭ la verko Vita Sancti Wolfgangi de Otloh (el la ratisbona Emmeram-monaĥejo) estis presita en 1475 fare de la franciskanoj de Burgdorf. Ĝi estis verkita en la 11-a jarcento.