Vuktila minejo

El Vikipedio, la libera enciklopedio
Salti al navigilo Salti al serĉilo
Vuktila minejo
ruse Вуктыльское месторождение
Situo: Komiio (Rusio)
Geografia situo 63° 39′ 2″ N, 57° 17′ 53″ O63.65055555555657.298055555556Koordinatoj: 63° 39′ 2″ N, 57° 17′ 53″ O
Tipo: naftogasokondensata minejo
Parto de: Timano-Peĉora naftogasa provinco
Malkovro: 1964
Ekspluatado: ekde 1968
Statuso: ekspluatata
Kapacito: 78,1 miliardoj da kubaj metroj (2002)
Elminigado suma: 357,7 miliardoj da kubaj metroj (2002)
Ekspluatanto: NOVATEK
Information icon.svg
vdr

Vuktila minejo estas la naftogasokondensata minejo kiu situas en Komiio (Rusio), 160 km nord-oriente de urbo Uĥto kaj estas parto de la Timano-Peĉora naftogasa provinco. Ĝi estis malkovrita en 1964 kaj ekspluatata ekde 1968.

Geologio[redakti | redakti fonton]

La minejo estas kontrolata de granda antiklinala faldo, kiu estas granda je 85 x (3-5) km, amplitudo 1500 m ene de la centra parto de la Suprepeĉjora fleksejo de la Antaŭurala randofleksejo. Gaso haveblas en sedimentaĵoj de malsupra permio kaj karbonio je la fundo 2100-3760 m. La karbonata kolektujo (kalkoŝtonoj kaj dolomitoj) estas poro-fendeca kaj nehomogena laŭ siaj fizikaj kaj filtroj-volumenaj ecoj. Gasosaturita dikeco estas 170 m, efika poreco 6-13%, penetrebleco 0,01-0,235 mkm², komenca tavolpremo 34,2 MPa, tavola temperaturo 92 °C.

La kuŝejo estas gasokondensata, masiva, alteco 1440 m. En plandumo de la gasokondensata kuŝejo estas trovita naftokuseno, kapabla fordoni diurne 4,4 m³ da nafto. En la parto de la minejo kiu troviĝas sub surfaŭlto je la fundo 3400-4400 m estas ricevitaj alfluoj de nafto el karboniaj sedimentaĵoj.

Konsisto de la gaso de la ĉefa kuŝejo: metano 75,1%, etano 8,9%, propano 3,6%, butanoj 1,5%, pentano kaj superaj hidrokarbonoj 6,4%, azoto 4,4%, karbondioksido 0,1%. Komenca enhavo de kondensato en la gaso estas 360 g/m³, en 2002 — 53,9 g/m³. La gasakva kaj gasonafta kontaktoj estas registritaj je absoluta marko -3316 m, akvonafta kontakto je -3376 m.

La minejo atingis etapon de la falanta elminigado. Ĝis 2001 estis elminigitaj 81,6% el la komenca kapacito je 434,8 miliardoj da kubaj metroj. En 2002 la komenca gaskapacito estis taksita je 78,1 miliardoj da kubaj metroj, suma elminigado atingis 357,7 miliardoj da kubaj metroj.

Literaturo[redakti | redakti fonton]

  • СТАРОСЕЛЬСКИЙ, В. И.. [2004] Р. И. Вяхирев: Вуктыльское месторождение // Российская газовая энциклопедия (ruse). Москва: Большая Российская энциклопедия, p. 59. ISBN 5-85270-327-3.