Werner Reinhart

El Vikipedio, la libera enciklopedio
Salti al navigilo Salti al serĉilo

Werner Reinhart (19a de Marto 1884 - 29a de Aŭgusto 1951) estis svisa komercisto, filantropo, amatora ludanto de klarneto, kaj patrono de komponistoj kaj verkistoj, partikulare de Igor Stravinski kaj de Rainer Maria Rilke. Reinhart konis kaj korespondis kun multaj el la grandaj nomoj de la komenco kaj mezo de la 20a jarcento en la eŭropa arta kaj muzika mondo, kaj lia Vilao Rychenberg en Winterthur iĝis internacia renkontiĝejo por muzikistoj kaj verkistoj.[1]

Li estis foje aludita kiel la "Vintertura Mecenaso".[2] Alice Bailly nomigis Werner Reinhart "L'homme aŭs mains d'or" – la viro kun oraj manoj,[3] kaj ŝia portreto de 1920 pri li estas nomata "The Man with the Golden Heart" (La viro kun ora koro).[4] Ankaŭ Oskar Kokoschka pentris sian portreton en 1947.[5][6]

Werner Reinhart heredis sian riĉon el la negocoj de la familio Volkart, baze en Winterthur, sed li nemiam estis multe engaĝita en la regado de la entrepreno.[7] Reinhart kaj Hermann Scherchen ludis gravan rolon en la formado de muzika vivo de Winterthur inter 1922 kaj 1950, kun emfazo komence en tiutempa muziko, kaj poste en instrumentado en nombraj premieroj kiuj estis tie ludataj.[8] Scherchen estis unu el multaj kiujn Reinhart patronis, ĉefe en la kazo de Scherchen ĉar li devis pagi kompenson al almenaŭ kvin eksedzinoj.[9]

Famuloj kiujn li helpis[redakti | redakti fonton]

Notoj[redakti | redakti fonton]

  1. Volkart Foundation
  2. Arbiterrecords
  3. Bibliothèque du Gymnase de Beaulieu
  4. DeBartha Galerie Senarclens
  5. [1]
  6. Oskar Kokoschka: Exile and new home 1938–1980
  7. Volkart Foundation
  8. KoelnKonzert
  9. Michael Kater, The Twisted Muse

Bibliografio[redakti | redakti fonton]