Golgota kapelo (Kaposvár)
| Golgota kapelo | |
|---|---|
Golgota kapelo en Kaposvár
| |
| kapelo • katolika preĝejo | |
| Loko | |
| Ŝtato | Hungario |
| Municipo | Kaposvár |
| Bazaj informoj | |
| Religio | kristanismo |
| Rito | romkatolika eklezio |
| provinco | Somogy |
| diocezo | Kaposvár |
| Dato de konsekro | 1893 |
| Arkitektura priskribo | |
| Konstruado | 1892–1893 |
| Specifo | |
| Enhaveco | 80 sidlokoj, 50 starlokoj |
| Ligiloj | |
La golgota kapelo estas romkatolika historia monumento en Hungario, en urbo Kaposvár, en loĝkvartalo Donner.
Historio[redakti | redakti fonton]
La unua golgota kapelo de Kaposvár estis konstruita en alia loko, sed en 1891 oni malkonstruis ĝin. La nun videbla kapelo estis konstruita en la jaroj 1892 kaj 1893. Sakristio estis alkonstruita en 1925, samtempe interne galerio por koruso. Malpli grandaj renovigaj laboroj okazis en 1928, 1930, 1938, la lasta en 2015. Ĝis 1947 tiu kapelo estis la sola katolika domo en tiu ĉi loĝkvartalo.
Konstruaĵo[redakti | redakti fonton]
La kapelo kun la golgota vojo situas sola en tre granda korto, tamen en la korto multe da arboj kreskas. Larĝa vojo kuras al la kapelo, kies fasado estas simetria kaj klasikisma. Meze funkcias la enirejo kaj la plej supre la turo altiĝas. La navo finiĝas en oklatera absido. Antaŭ la fasado la 3 golgotaj krucoj altiĝas, sed en la korto estas videblaj ĉiuj 14 stacioj de la kruca vojo. Ili estis skulptitaj el taksusoj.