Álmosd

Álmosd (Almoŝd) estas vilaĝo en Hungario, en regiono Norda Ebenaĵo, en departemento Hajdú-Bihar, en subregiono Derecske-Létavértes. Álmos signifas dormema, sed estas ankaŭ historia baptonomo kaj Álmos estis hungara tribestro.

Fresko pri batalo en Álmosd fare de István Kurucz D.

Bazaj informoj

• Areo: 34 km²
• Loĝantaro: 1670
• Poŝtkodo: 4285
• Telefonprefikso: 52

La vilaĝo situas sur ebenaĵo, laŭ traira flankovojo, ĉe la hungara-rumana landlimo sen limpasejo. Létavértes estas proksime.

Historio

La unua mencio devenis pri la komunumo el 1261. En 1604 Stefano Bocskay kun la hajdukoj venkis armeon de aŭstra Basta. En la vilaĝo vivis Ferenc Kölcsey inter 1812-1815. En 1919 la rumanoj okupis ankaŭ tiu ĉi vilaĝon.

Apud la vilaĝo akvorezervujo (lago) troviĝas. Vidindaĵoj estas kalvinana kaj grekokatolika preĝejoj kaj baroka pastrejo el la 18-a jarcento.

Vilaĝservoj estas poŝto, infanĝardeno, lernejo, biblioteko.