Édouard Lucas

El Vikipedio, la libera enciklopedio
Saltu al: navigado, serĉo

Édouard LUCAS ([EdŭAR liKA], naskita je la 4-a de aprilo 1842 en Amiens, mortinta je la 3-a de novembro 1891 en Parizo) estis franca matematikisto. Li okupiĝis precipe pri la teorio de nombroj.

Lucas instruis matematikon ĉe la parizaj liceoj Saint Louis (S-ta Ludoviko) kaj Charlemagne (Karlo la Granda). Li interalie inventis la enigmon de la turoj de Hanojo. Ĝi estis en 1883 publikigita kiel ludilo sub lia pseŭdonimo "N. Claus de Siam" (anagramo de "Lucas d'Amiens").

Lucas ĝeneraligis la Fibonacci-vicon, kiu komenciĝas per la nombroj "1" kaj "1", laŭ la formulo

  an = an−1 + an−2

Li inventis la laŭ li nomitan teston pri primeco de nombroj. Per tiu testo li pruvis, ke la 127-a nombro de Mersenne estas primo de Mersenne.

Lucas mortis pro stranga akcidento: dum bankedo li tranĉis sian vangon per splito de telero, kiun li faligis. Kelkajn tagojn poste li mortis pro erizipelo.