Ĥusejn ibn Ali

El Vikipedio, la libera enciklopedio
Saltu al: navigado, serĉo
Maŭzoleo de Ĥusejn ibn Ali en Karbalo, Irako

Ĥusejn ibn Ali ibn Abi Talib (arabe, حسین بن علی بن أبي طالب), nomo ankaŭ literumita kiel Hussein, Husein, Husain, ktp, estis la dua filo de Ali ibn Abi Talib kaj de la filino de Mahomedo, Fatimah. Li naskiĝis la 8-an de januaro 626, en Medino kaj mortis la 10-an de oktobro 680, en Karbalo). Li estas kultata de la islama branĉo ŝijaismo, kiu memorigas sian martireco en memorfesto nomata Aŝuro, kaj ankaŭ estas respektata de la islamaj sunaanoj pro lia apartenado al Ahl al-Bayt aŭ familio de Mahomedo.

Fatimah mortis juna, lasante orfajn Ĥusejn kaj Hasan. Verŝajne ambaŭ fratoj havis bonan rilaton kun la avo, la profeto Mahomedo kaj ili heredis la disputojn en kiuj envolviĝis ilia patro Ali pro regado de la kalifujo.

Ĥusejn geedziĝis kun Ŝahr Banu شهر بانو, unu el la filinoj de la lasta imperiestro de la Sasanida Imperio, Jazdgerdo la 3-a.

La kranio de Ĥusejn konserviĝas, laŭ la tradicio, en maŭzoleo apuda al la Moskeo de la Umajadoj en Damasko, loko kiu ankaŭ estas pilgrimcelo por la ŝijaanoj. Tamen, alia tradicio diras ke la kranio en iu momento estis portita al Kerbala, kaj alia diras ke al Kajro, en la nuna Moskeo Al-Husayn.