Ŝavkat Mirzijojev

El Vikipedio, la libera enciklopedio
Saltu al: navigado, serĉo
Ŝavkat Mirzijojev
Шавкат Мирзиёев

ĉefministro de Uzbekio
Oficanta
Funkcio akceptita:
2003

Naskiĝo la 24-an de julio 1957(nun 1957-07-24) (do nun 57-jara)
en proksime de Zomin, Uzbeka SSR
Nacieco uzbekia
Profesio politikisto
v  d  r
Information icon.svg

Ŝavkat Miromonoviĉ Mirzijojev - uzbeke Shavkat Miromonovich Mirziyoyev, ruse en cirila alfabeto Шавкат Мираманович Мирзиёев resp. Мирзияев [Ŝavkat Miramanoviĉ Mirsijojev resp. Mirsijajev] - estas uzbekia politikisto naskiĝinta la 24-an de julio 1957(nun 1957-07-24) proksime de Zomin, Uzbeka SSR, do nun 57-jara) estas. Ekde la 12-a de decembro 2003 li estas la ĉefministro de Uzbekio, do la gvidanto de la nacia registaro. La ŝtata prezidanto Islom Karimov nomumis lin posteulo de Oʻtkir Sultonov.

Mirzijojev studis en Taŝkento ĉe la Instituto pri Agrikultura Mekanikigo kaj Akviga Tekniko. Li estas diplomita maŝinkonstrua inĝeniero. De 1974 ĝis la kolapso de Sovetunio li profesie laboris pri agfikultura akviga tekniko. Politike li aktivis kiel Komsomol-sekretario de sia alterlernejo. Pli poste li ankaŭ havis postenojn en la Komunista Partio de Sovetunio (KPSU) kaj estis altlerneja docento.

Post la sendependiĝo de la ŝtato Uzbekio li estis estro de la provinco Ĵizzaĥ (Jizzax) kaj de 2001 ĝis 2003 de la Provinco Samarkando. De 1999 ĝis 2004 li estis membro de la uzbekia parlamento Olij Maĝlis. En 2003 li je propono de la ŝtata prezidanto Islom Karimov elektiĝis gvidanto de la ŝtata registaro, do ĉefministro. En januaro 2005 li estis konfirmita en tiu posteno fare de la parlamento. Ĉar tamen en Uzbekio neniu alia politika posteno havas kompareblan signifon al tiu de la prezidanto, ankaŭ ne la posteno de ĉefministro, Ŝavkat Mirzijojev eĉ en Uzbekio mem estas relative nekonata.

Fontoj[redakti | redakti fonton]