Bad Hall

El Vikipedio, la libera enciklopedio
Saltu al: navigado, serĉo
Bad Hall
Administrado
Lando Supra Aŭstrio
Regiono Steyr-Land
Urbestro Franz Aschauer (SPÖ)
Poŝtkodo 4540
Aŭtokodo SE
Telefona antaŭkodo 07258
Kodo laŭ 41503
Retpaĝaro http:www.bad-hall.ooe.gv.at
Demografio
Loĝantaro 5200 (1-a de januaro 2006)
Loĝdenso 4,011/km2 loĝ./km2
Geografio
Koordinatoj
48°02′00″N 14°12′00″O  /  48.033333°N, 14.2°O / 48.033333; 14.2 (Bad Hall)
Alto 380 m
Areo 13.38 km2
Horzono UTC+1
(Somere UTC+2)
Bad Hall im Bezirk SE.png
v  d  r
Information icon.svg

Bad Hall estas komunumo kaj kuracloko en Supra Aŭstrio en la distrikto Steyr-Land en Traun-Kvartalo. La kompetenta juĝdistrikto estas Steyr-Land.

Geografio[redakti | redakti fonton]

La etendiĝo norde-suden estas 6,4 km, okcidente-orienten 4 km. 6,8 % el la areo estas arbaraj, 74,4 % estas terkultivataj.

Partoj de la komunumo estas Bad Hall, Furtberg, Großmengersdorf, Hehenberg, Brunnhub (Pesendorf), Kleinmengersdorf, Urndorf, Haid, Konradsdorf.

Historio[redakti | redakti fonton]

Jam la Keltoj konis la salfontoj en la valo Sulzbach. Poste oni elproduktis el la akvo salon por la konsumado. La fondodokumento de la monaĥejo Kremsmünster el la jaro 777 mencias 3 salbolistojn. El malgranda mezepoka metiista setlejo dum la paso de la tempo evoluis regiona centro. Dum ĉe la okcidenta deklivo de la valo Sulzbach kaj de la regado de la monaĥejo Kremsmünster ekestis paroĥovilaĝo (nuntempe Pfarrkirchen), ĉe la orienta deklivo formiĝis sub la dukoj de Aŭstrio komerca kaj administra loko, kiu dumlonge nomiĝis „Herzogenhall“. Ĉi tiu loko ĉ. 1287 ricevis foirprivilegion, kiu faras ĝin unu el la plej antikvaj foirlokoj de Aŭstrio.

Dum la Napoleonaj Militoj la loko plurfoje estis okupata. La kuracan valoron de la akvo el la salfonto ĉe rivero Sulzbach oni ekkonis nur dum la ekflorado de la kuraclokoj komence de la 19-a jarcento. Oni fondis en 1826 unuan malgrandan banejon, en 1827 oni unuafoje analizis la akvon registrante altan enhavon da jodo. En 1837 la kuracisto d-ro Josef Starzengruber efektivigis ĉe la landa registaro unuan banejoregularon. Sed nur per transpreno de la kuracfonto fare de la lando Supra Aŭstrio en 1855 oni povis ekfunkciigi ampleksan kuracejon. Ekde 1876 la loko portas en sia nomo la predikaton „Bad“ (banejo, kuracloko).

Fine de la 19-a jarcento Bad Hall travivis kiel multaj kuraclokoj ankaŭ fortan supreniĝon. Tiun ĉi eĉ fortigis la malfermadon de la Kremsvala Fervojo en 1882. Bad Hall nun validis kiel „monda kuracloko“. Famuloj venis tien. Gustav Mahler debutis en 1880 kiel dirigento en la kuracloka parko. Post malsukcesoj pro militoj kaj granda depresio ekde 1948 ekestis moderna kuracagado.

Loĝantaro[redakti | redakti fonton]

En 1991 la komunumo havis laŭ popolcenso 4250 loĝantojn, en 2001 ja 4747 loĝantojn, en la jaro 2006 estas 5200.

Blazono[redakti | redakti fonton]

En oro sur verda ŝildpiedo arĝenta kapelo kun parte enkonstruita flankturo kaj tegmentotureto, nigraj tegmentoj kaj fenestromalfermaĵoj, ambaŭflanke garnitaj de po nigratrunka tiliarbo kun verdaj folioj. La komunumoj koloroj estas blu-blanka.

La blazonbildo montras la jam en 1298 dokumentita, laste en 1977-1981 generalrenovigita Margareta-kapelon „am Anger unter den Sieben Linden“, kiu ludis gravan rolon por la burĝa vivo en la prince privilegiita loko (ekz. okazigo de preĝejaj kaj juĝejaj tagoj, elektejo de la urbestro kaj la konsilantoj).

Vidindaĵoj[redakti | redakti fonton]

Fontotemplo de la Tassilo-fonto
  • Tassilo-fontotemplo: La Tassilo-fonto estas la plej malnova jodo-saloakvo-fonto de Bad Hall. Unua mencio en la fondodokumento de la monaĥejo Kremsmünster (777). Ekde la antaŭkorto de la fontotemplo ankaŭ nuntempe la kuraciva akvo estas kondukata al la kuracocentro.
  • Kuracdomo
  • Landa vilao
  • Muzikpavilono
  • Kuracparko
  • Urboteatro Bad Hall: La teatro havas sian fokuson en la prezentado de operetoj kaj muzikaloj.
  • Foruma Halo: Tie troviĝas tri muzeoj: la hejmloka muzeo, la dompordokolekto kaj la metiomuzeo
    • Hejmloka muzeo: montras la evoluon de Bad Hall ekde metiista setlejo al kuracloko.
    • Dompordokolekto: montras antikvan metiarton pere de pli ol 100 pordoj
    • Metiomuzeo: montras 23 kamparajn metiojn, krome dokumentadon de strukturŝanĝo de la metio

Muziko[redakti | redakti fonton]

  • Kuraclokaj koncertoj: En Bad Hall regule okazas kuraclokaj koncertoj kun la Kuracloka Orkestro Bad Hall. La orkestro devenas de la Cur-Musikkapelle fondita en la jaro 1855. Ĝia plej fama dirigento estis Gustav Mahler.

Eksteraj ligiloj[redakti | redakti fonton]