Carl Woese

El Vikipedio, la libera enciklopedio
Saltu al: navigado, serĉo

Carl WOESE (naskigita je 15-a de julio, 1928) [karl vos] estas usona mikrobisto kiu famiĝis pro la eltrovo de la Arkioj (nova "regno" de vivularo) en 1977 tra filogenetika analizo de 16S ribosoma RNA, metodon kiun Woese inventis, sed estas nun tre ofte uzata.

La agnosko de la ekzisto de la Arkioj, kiuj estas prokariotoj sed ne bakterioj, estis malrapida kaj dolora proceso. Tiaj famuloj kiel Salvador Luria kaj Ernst Mayr malaprobis ilian disigon de la prokariotoj, kaj ne ĉiuj kritikoj estis sur la scienca nivelo. Pro tiaj kritikoj la scienca revuo "Science" nomis Woese "la cikatrita revoluciisto de mikrobiologio". Woese estis tre kuraĝa kaj ne forĵetis sian revolucian ideon. Nuntempe la mezurado de kompletaj genaroj de kelkaj arkioj subtenas la fruan genetikan esploradon de Woese.

Woese estis elektita al la (usona) Nacia Akademio de Sciencoj en 1988, gajnis la Leeuwenhoek-Medalon (la plej alta honoro en mikrobiologio) en 1992, kaj gajnis la (usonan) Nacian Medalon de Scienco en 2000. En 2003, li gajnis la premion Crafoord de la Reĝa Sveda Akademio de Sciencoj.

Eksteraj ligiloj[redakti | redakti fonton]