Ernest Borgnine

El Vikipedio, la libera enciklopedio
Saltu al: navigado, serĉo
Borgnine ricevas sian Oskar-premion de Grace Kelly, 1955
Borgnine en McHale's Navy, 1962
Ernest Borgnine en 2004

Ernest BORGNINE (denaska nomo Ermes Effron Borgnino; naskita la 24-an de januaro, 1917 – mortinta la 8-an de julio, 2012) estis usona filma kaj televida aktoro. Li gajnis Oskar-premion en 1955 pro sia aktorado en la filmo Marty. En televido, li rolis kiel Quinton McHale en la serio McHale's Navy (1962–1966) kaj havis unu el la ĉefaj roloj en la serio Airwolf en la 1980-aj jaroj; krome, li voĉis kiel "Mermaid Man" (Marvirinulo) en la animacia televida serio SpongeBob SquarePants, inter multaj aliaj roloj. 92-jaraĝa, Borgnine gajnis premion Emmy pro sia laborado pri la serio ER.