Evaldo Pauli

El Vikipedio, la libera enciklopedio
Saltu al: navigado, serĉo
Evaldo Pauli

Evaldo PAULI (naskiĝis en 1925) estas brazila esperantisto, profesoro kaj honora membro de UEA (2002).

Li diplomitiĝis pri filozofio kaj instruis ĝin dum la tuta vivo. Nun li estas emerita profesoro de la Federacia Universitato de Sankta Katarino, post tridek jaroj da laboro (1955-1985). Li profesoris ankaŭ en UNIVALI - Universitato de "Vale do Itajaí" kaj en AIS - Akademio Internacia de Sciencoj de San Marino. Li estas membro de la Brazila Akademio de Filozofio, Instituto Histórico e Geográfico de Santa Catarina (Historia kaj Geografia Instituto de Sankta Katarino), kaj Academia Catarinense de Letras (Sankta Katarina Beletrisma Akademio). En la movado membro de: Brazila Esperanto-Ligo, Esperanto-Asocio de Sankta Katarina. Prezidanto de Kultura Fondaĵo Simpozio. Prezidanto de FAT - Filozofia Asocio Tutmonda. Delegito de Universala Esperanto-Asocio. Liaj grandaj kontribuoj al la Esperanto-movado estas en la kampo de kulturo kaj tute aparte de filozofio. Fondinto de la fondaĵo Simpozio. Kreinto de la Filozofia Enciklopedio. Verkinto de lernolibroj kaj de filozofiaj libroj. Prezidanto de la Filozofia Asocio Tutmonda.

Eksteraj ligiloj[redakti | redakti fonton]