Gösgen (distrikto)

El Vikipedio, la libera enciklopedio
Saltu al: navigado, serĉo
Distrikto Gösgen
Blazono de la distrikto Gösgen
Rigardo de la teraso de la katolika preĝejo al la nuklea centralo Gösgen, kies vaporanta malvarmiga turo dominas la pejsaĝon de la distrikto
Mapo de la distrikto Gösgen
Kantono Soloturno
Ĉefloko Niedergösgen
Koordinatoj  47°22′N 7°59′O  /  47.367°N, 7.983°O / 47.367; 7.983 (Gösgen (distrikto))Koordinatoj: 47°22′N 7°59′O  /  47.367°N, 7.983°O / 47.367; 7.983 (Gösgen (distrikto))
Nombro de enloĝantoj 23318 (2010-12-31)
Areo 68,81 km²
Loĝantardenseco 338,9 loĝantoj/km²
Federacia Kodo 1105


La distrikto Gösgen estas administra unuo de Kantono Soloturno. Ĝi havis 23318 loĝantojn la 31-an de decembro 2010. Ĝia ĉefloko estas la komunumo Niedergösgen. Kune kun la distrikto Olten ĝis formas la oficdistrikton Olten-Gösgen.

Geografio[redakti | redakti fonton]

La distrikto Gösgen situas ĉe la suda flanko de la Soloturna Ĵuraso. Ĝian nordan limon formas la malnova fluo de la rivero Aro. La rekoniloj estas du turoj, nome la turo de la katolika preĝejo de Niedergösgen super la kastelo Falkenstein, kiu entenis dum jarcentoj al voktan registaron, kaj en de la 1970-aj jaroj la vaporanta malvarmiga turo de la nuklea centralo Gösgen, kiu cetere fakte ne situas sur la distrikta teritorio sed en la komunumo Däniken en distrikto Olten sude de Aro. La setlejoj laŭlonge de Aro inter Araŭo kaj Olten praktike komplete kunkreskis kaj vidita el la aero formas kune Olten kaj Araŭo kvazaŭ unu solan grandurbon kun proksimume 200000 loĝantoj. Kontraston formas la tri malgrandaj kamparaj komunumetoj Rohr, Wisen kaj Hauenstein-Ifenthal sur la deklivo de la ĵurasa montoĉeno.

Historio[redakti | redakti fonton]

La hodiaŭa distrikto Gösgen estiĝis el la historia voktejo Gösgen. La Baronoj de Gösgen, kiuj estis menciitaj la unuan fojon en la jaro 1161 havis sian sidejon unue en Obergösgen kaj ek de 1230 en Niedergösgen proksime de la Abatejo Werd (poste Schönenwerd), kies protektovoktecon al ili koncedis la episkopo de Strasburgo. En la jaro 1382 la Grafoj de Falkenstein akiris la Baronejon Gösgen. Tomaso de Falkenstein vendis Gösgen en la jaro 1458 al Soloturno. Ek de tiam ĝis 1798 Gösgen estis voktejo de Soloturno. [1]

Komunumoj de la distrikto Gösgen[redakti | redakti fonton]

La distrikto Gösgen konsistas (stato en 2011) el 11 komunumoj, el kiuj la komunumo Trimbach estas la plej granda. Jen la listo:

Blazono Nomo Loĝantoj
(2010-12-31)
Areo
en km²
Komunumkodo
Erlinsbach SO Erlinsbach 3210 8.90 2503
Hauenstein-Ifenthal Hauenstein-Ifenthal 310 5.30 2491
Kienberg Kienberg 506 8.53 2492
Lostorf Lostorf 3843 13.27 2493
Niedergösgen Niedergösgen 3786 4.33 2495
Obergösgen Obergösgen 2118 3.63 2497
Rohr SO Rohr 91 2.25 2498
Stüsslingen Stüsslingen 1004 6.15 2499
Trimbach Trimbach 6366 7.66 2500
Winznau Winznau 1670 4.00 2501
Wisen SO Wisen 414 4.79 2502
Totale 11 23318 68,81 1105

Notoj kaj referencoj[redakti | redakti fonton]

Eksteraj ligiloj[redakti | redakti fonton]