Ipro

Mapo de la municipoj en la provinco
Bazaj informoj
provinco: Okcidenta Flandrio
geografia situo: 50°51’N; 2°53’E Mapo
areo: 130,61 km²
loĝantoj: 36.120 (2005-03-01)
loĝdenso: 277 loĝantoj/km²
horzono: GMT+1h (+2h de aprilo ĝis oktobro)
poŝtkodo: 8900

Ipro post la milito - 1919

Ipro (Nederlande Ieper [ipr], france Ypres) estas urbo en la sud-okcidento de Belgio en la Flandra regioneto nomata Westhoek (okcidenta angulo). Ipro estas unu el la 133 municipoj de Belgio, kiuj ricevis la honortitolon "urbo". Ĝi ricevis la titolon en la jaro 1174.

Historio

La urbo estis tute detruita dum la Unua mondmilito, interalie la fama belega drapobazarejo (kun la urboturo) datumanta de mezepoko, kiam la urbo estis inter la plej gravaj centroj de drapo-farado en Eŭropo. La tuta urbo estis precize rekonstruita en la tradicia flandra stilo (interalie kun la ŝtuparformaj domofruntoj), kaj la drapobazarejo kaj urboturo nur estis finrekonstruitaj fine de la jaroj 1960.

Dum tiu milito la urbo ankaŭ donis sian nomon al speco de venengaso, kiu estis uzata unuafoje kontraŭ la malamikaj tranĉeoj en la ĉitiea apudeco: Iperito.

La drapobazarejo de Ipro nun tute rekonstruita post la milito.

Partneraj municipoj

• Siegen, Germanio.

Esperanto en Ipro

En la aŭtuno de la jaro 2004 okazis 3-taga renkontiĝo, organizita de Flandra Esperantista Junulara Asocio kun la nomo PSKK (PostSomera Klaĉ-Kunveno).

Eksteraj ligiloj

greke Oficiala retejo de la komunumo (nederlande kaj angle)