Isĥak Muĉnik

Isĥak MUĈNIK (ps. Kincum) (naskiĝis la 5-an de aprilo 1894 en Ŝepetovka, tiam en Rusio, nun en Ukrainio) estis rusia hebrea esperantisto.

Li estis unue librotenisto, kaj poste, en Palestino, koloniisto kaj pioniro por la rekonstruo de la lando.

Li estis Esperantisto de 1910. Li starigis Esperanto-rondojn kaj kursojn en la regiono de Ŝepetovka, kie li loĝis ĝis 1920.

Menciindas, inter liaj verkoj, Hebreaj Rakontoj (traduko de Salom-Aleĥem, en 1923) kaj propra broŝuro en 1925.