Jason Webley

El Vikipedio, la libera enciklopedio
Saltu al: navigado, serĉo
Bildoj de Jason Webley muzikumante en 2006 okaze de la Oregon Country Fair (Oregono, Usono)

Jason WEBLEY estas usona muzikisto naskita en 1974 kiu komencis kiel stratartisto kun sia akordiono sur la stratoj de Seattle kaj, kvankam li nun ankaŭ ludas sursceneje kaj enĉambre, konservas tian foirfesta, ciganema kaj ludema spirito.

Li rezignis sian laboron en 1998, kunprenis akordionon kaj komencis muzikumi ĉe l'strato. Li disvolvigis sian personecon per popolajn, punkajn kanzonojn kiujn li blekas plivole ol kantas akompanita de ĉu akordiono, ĉu gitaro, ĉu ksilofono aŭ improvizitaj instrumentoj aŭ iloj kiel tiu botelo de vodko kiun li plenigis per tutmonddevenaj moneroj kaj skuas laŭritme.

Ŝajne por eviti ludi dum vintra tempo, li kutimis teatre morti je Halovino por renaskiĝi dum la printempo, ĉirkaŭ sia naskiĝtago. Sed li ne plu faras tion, de 2005.

Li aperigis kvar albumojn kun la muzikeldonejo Springman Records sed The Cost of Living (2007) estis memfinancita (lia propra eldenejo nomiĝas Eleven Records

Jason Webley ade ludas en diversaj festivaloj, nome Burning Man, Oregon Country Fair aŭ en Anglio Glastonbury Festival.

Li freŝdate turneis kun Amanda Palmer usone kaj eŭrope, kiun li renkontis surstrate, dum ŝi ludis vivan statuon.

Drinkkanzono[redakti | redakti fonton]

Jason Webley kutime finigas koncertojn siajn per drinkkanzono. Kaj aldone, li kuraĝigas la aŭskultantojn «ebriiĝi» sen trinki alkoholaĵojn sed nur turbi plurajn fojojn dum li kantas. Kiel por ceteraj kanzonoj liaj, li laŭte blekas la drinkkanzonon kaj sciigas al la publiko ke «la paroloj ne gravas. Vi povas inventi pli bonajn parolojn..., se vi kapablas kanti ilin pli laŭte ol mi».

Kantparoloj originallingve Kantparoloj esperantigite
If the glass is full

drink up, drink up
this may be the last time we see this cup.
If God wanted us sober
he'd knock the glass over
so while it is full
we drink up.

Se la glaso stas plena

glutglutu, glutglutu
Eble ni lastfoje vidas tiun ujon
Se Dio volus nin sobra
li faligus la glason
do dum ĝi stas daŭre plena
ni glutglutas.

Diskografio[redakti | redakti fonton]

  • Viaje (1998)
  • Against the Night (1999)
  • Counterpoint (2002)
  • Only Just Beginning (2004)
  • The Cost of Living. (2007)

Eksteraj ligiloj[redakti | redakti fonton]