Johann van Beethoven
| Johann van Beethoven | |
|---|---|
| |
| Persona informo | |
| Naskiĝo | 30-an de novembro 1739 en Bonno |
| Morto | 18-an de decembro 1792 (53-jaraĝa) en Bonno |
| Lingvoj | germana |
| Ŝtataneco | Germanio |
| Familio | |
| Patro | Ludwig van Beethoven |
| Patrino | Maria Josepha Ball |
| Edz(in)o | Maria Magdalena van Beethoven |
| Infanoj | Ludwig van Beethoven • Nikolaus Johann van Beethoven • Kaspar Anton Karl van Beethoven |
| Okupo | |
| Okupo | dirigento • kantisto • komponisto • instruisto |
Johann van BEETHOVEN (Bonn, 14-a de novembro 1740 – samloke, 18-a de decembro 1792) estis germana tenoro de la kortego de Bonn. Li estis la patro de la fama komponisto Ludwig van Beethoven.
La 12an de novembro 1767 li edziĝis en la preĝejo de Sankta Remiĝo en Bonn kun Maria Magdalena Keverich (19-a de decembro 1746-17-a de julio 1787), juna vidvino kaj filino de kuiristo de Treviro. Pro tio, la geedziĝo de la gepatroj de la fama komponisto estis kontraŭita de lia avo, kiu tiam estis jam prestiĝa kapelmajstro de la kortego kaj konsideris la junulinon de socia klaso pli malalta al tiu de sia filo, kio ne pravis ĉar en ŝia familio estis ankaŭ skabenoj kaj eĉ senatoroj.[1]
La geedzoj translokiĝis al la domo 515 de Bonngasse kaj post du jaroj, nome en 1769, naskiĝis ilia unua filo, baptita kiel Ludwig Maria van Beethoven. Tamen, apenaŭ ses tagojn post la bapto, la bebo mortiĝis. La 17a de decembro 1770 estis baptita la dua filo, en la preĝejo de Sankta Remiĝo de Bonn, per la nomo «Ludovicus van Beethoven» (Ludwig van Beethoven) laŭ oni atestas en la bapta atestilo. Lia naskiĝdato, ĝenerale akceptita kiel 16a de decembro 1770, ne havas historian dokumentaron kiu pruvu ĝin. Maria Magdalena havis ankoraŭ aliajn kvin pliajn filojn, el kiuj survivis nur du: Kaspar Anton Karl van Beethoven, baptita la 8an de aprilo 1774, kaj Nikolaus Johann van Beethoven, baptita la 2an de oktobro 1776. La biografiistoj ne interkonsentas pri la precizaj naskiĝdatoj de la filoj de Maria Magdalena Keverich.[2]