Kabala Centro

El Vikipedio, la libera enciklopedio
Saltu al: navigado, serĉo
Kabala Centro

La Kabala Centro estas neo-kabalisma organizaĵo, kiun gvidas Philip Berg kaj lia filo kaj sekvulo Yehuda Berg.

Evoluo kaj strukturo de la Kabala Centro[redakti | redakti fonton]

Philip Berg en 1969 fondis la unuan kabalan centron en Tel Aviv. En 2004 dismonde estis jam ĉ. 50 centroj kiel plej gravaj en Los Angeles kaj London. La posedaĵo de la organizaĵo sumas ĉ. 25 milionojn da usonaj dolaroj. Al la movado apartenas la konatuloj kiel Madonna kun edzo Guy Ritchie, plie Britney Spears, Winona Ryder, Gwyneth Paltrow, Elizabeth Taylor, Paris Hilton, Paul Newman, Jeff Goldblum, Monica Lewinsky, Demi Moore, Ashton Kutcher, Naomi Campbell, Victoria kaj David Beckham. Jerry HALL malproksimiĝas de la movado ("Mi ne sciis, ke oni devas transdoni dek procentojn de sia enspezo, por trairi la Miraklan Pordon")

Kritiko[redakti | redakti fonton]

Kontraste al la tradiciaj instruoj, Philip Berg predikas komfortan, konsumamikan instruon, kiu similas al tradicia Kabalo nek laŭ formo, nek laŭ enhavo. Oni devas nur rigardi la rulaĵon de la ’’72 diaj nomoj’’ kaj iomete mediti, aĉeti produktaĵon de la centro. Laŭ kutima opinio, nek judaisma, nek kabala tradicio enhavas mediton kiel parto de lerniga praktiko. Per la enspezotekniko tio similas al Scientologio. Onidire, Madonna faris el la Berg-klano riĉulojn.