Klifo
El Vikipedio
En geografio kaj geologio, klifo laŭ la simpla difino de PIV estas "marborda alta krutaĵo". Temas do pri signifa vertikala aŭ pli-malpli vertikala eksponita roko. Klifoj ekestas pro erozio per veteraj influoj - do vento, pluvo, hajlo kaj neĝo. Ili konsistas el speco de roko rezista al erozio, kiu restas, kiam pli mola roko kaj plia grundo pli kaj pli malaperas.
Plej ofte klifoj konsistas el
- sabloŝtono,
- kalkoŝtono,
- kreto,
- dolomito,
- granito aŭ
- bazalto.
