Kvarfobio

El Vikipedio, la libera enciklopedio
Saltu al: navigado, serĉo
Lifto en apartamenta konstruaĵo en Ŝanghajo, Ĉinio: la etaĝoj 4, 13 kaj 14 mankas. Ankaŭ ĉe-estas "minus unua" etaĝo.

Kvarfobiotetrafobio (el la grekaj: tetra (kvar) kaj φόβος (fobio; timo)) estas timo de la nombro kvar.

Kvarfobio estas tre komuna superstiĉo en orienta Azio, kiel en Ĉinujo, Japanujo, Koreujo kaj Tajvano.[1]

La ĉina vorto kvar (四, pinjine: sì, jyutping: sei3), fonetike similas al la vorto morto (死), pinjine: sǐ, jyutping: sei2), en multaj formoj de parolata ĉina. Same la japana kaj korea vortoj kvar, shi (japane) kaj sa (사, koree), similas fonetike al morto en la du lingvoj.

Konstruaĵoj[redakti | redakti fonton]

Oni aparte evitas la nombron 4 dum festotagoj aŭ kiam familiano malsanas, ĉefe en la ĉina kulturo. Tiel ankaŭ 14, 24, ktp. estas evitataj, ĉar ili enhavas la ciferon 4. En tiuj landoj etaĝoj en hoteloj, oficejoj, apartamentaroj aŭ eĉ malsanulejoj malhavas tiajn etaĝojn.

En Hongkongo ĉe iuj apartamentoj, kiel Vision City[2] kaj The Arch[3] mankas ĉiuj etaĝoj de 40 ĝis 49. Tuj super 39/F troviĝas 50/F, kio pensigas tiujn, kiuj ne scias pri kvarfobio, ke mankas kelkaj etaĝoj.

En urboj, kie miksiĝas orient-azia kaj okcidenta kulturoj, kiel en Hongkongo kaj Singapuro foje mankas kaj la etaĝo 13 kaj 14 kaj ĉiuj enhavantaj la ciferon 4.

En Koreio kvarfobio estas malpli granda, sed ne ekzistas 4-a etaĝo en la plej multaj malsanulejoj kaj publikaj konstruaĵoj. En aliaj la kvara etaĝo, foje estas nomita "F" (angle: four, kvar) anstataŭ "4" en liftoj.

Aliaj efikoj[redakti | redakti fonton]

Dum nuptoj aŭ aliaj kunvenoj tabloj kun numeroj 4, 14, 24, ktp. mankas. En konstruaĵaroj la numeroj 4, 14, 24, ktp. estas kutime anstataŭigitaj de 3A, 13A, 23A, ktp.

Vidu ankaŭ[redakti | redakti fonton]

Referencoj[redakti | redakti fonton]

  1. Julian Havil, Nonplussed: Mathematical Proof of Implausible Ideas (Hardcover), 2007, Princeton University Press, isbn 0691120560, p 153
  2. Floor plan remarks of Vision City
  3. Floor plan of The Arch